Korçë/ Aksidentoi një person dhe u largua nga vendi i ngjarjes, ‘arrest në shtëpi’ për punonjësin e policisë

“Agjencia e Mbikëqyrjes Policore (Rajoni Elbasan – Korçë) ka ekzekutuar urdhrin e Prokurorisë për zbatimin e vendimit të Gjykatës së Apelit të Përgjithshëm, e cila ka vendosur caktimin e masës së sigurimit personal “Arrest në shtëpi” ndaj punonjësit të policisë J. R., me detyrë Oficer i Patrullës së Përgjithshme, në Komisariatin e Policisë Korçë, pranë DVP-Korçë, i dyshuar për kryerjen e veprave penale “Mosdhënia ndihmë”, “Largimi nga vendi i aksidentit” dhe “Shkelja e rregullave të qarkullimit rrugor”.

Vendimi ndaj tij është marrë pasi më datë 03.03.2025, duke drejtuar mjetin e tij në aksin Hoçisht – Bilisht, është përfshirë në një aksident rrugor me pasojë plagosjen e shtetasit D. GJ., dhe më pas është larguar nga vendi i ngjarjes duke mos i dhënë ndihmë të aksidentuarit dhe duke mos njoftuar organet e rendit.”,thuhet ne njoftimin zyrtar.

Humbi kontrollin e mjetit në aksin Shëngjin-Velipojë, lëndohen dy persona. Nis procedimi penal për drejtuesen

Një aksident është regjistruar në aksin ‘Shëngjin-Velipojë’ ku një automjet që drejtohej nga një 23 vjeçare ka dalë nga rruga. Për pasojë, drejtuesja dhe pasagjerja kanë marrë lëndime dhe janë jashtë rrezikut për jetën , ndërkohë e reja është proceduar penalisht.

“Specialistët e Seksionit të Qarkullimit Rrugor referuan materialet në Prokurori ku nisi procedimi penal për shtetasen M. R., 23 vjeçe, banuese në Shkodër, pasi në aksin rrugor “Shëngjin-Velipojë”, duke drejtuar automjetin, ka humbur kontrollin dhe si pasojë automjeti ka dalë nga rruga. Nga aksidenti janë dëmtuar drejtuesja e automjetit dhe pasagjerja, të cilat janë jashtë rrezikut për jetën.”

Aksident brenda tunelit të Murrizit, përplasen dy automjete, tre të plagosur

Një aksident ka ndodhur brenda tunelit të Murrizit. Mësohet se janë përplasur dy automjete.

Si pasojë janë dëmtuar lehtë 3 pasagjerë të cilët janë transportuar në spital për ndihmë mjekësore. Ndërkohë dy drejtuesve të automjeteve iu është bërë testi i alkoolit dhe kanë rezultuar 00 mg/l.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.