Rruga Shëngjin-Velipojë, Rama: Do të jetë një nga rrugët më spektakolare të Mesdheut

Ky lajm është bërë i ditur nga vetë kryeministri Edi Rama, i cili përmes një postimi në rrjete sociale mëngjesin e kësaj të diele, ka shpërndarë disa pamje nga punimet që po kryhen në realizimin e kësaj rruge.

Ai thotë se ajo do të jetë së shpejti një nga rrugët turistike më spektakolare të Mesdheut falë peizazheve mahnitëse që mbart.

“Dhe me kantierin e rrugës Shëngjin-Velipojë, e cila do të jetë së shpejti një nga rrugët turistike më spektakolare të Mesdheut falë peizazheve mahnitëse, një nga investimet kyç për çlirimin e mëtejshëm të potencialit fantastik të turizmit në veriun e vendit, ku puna po vijon pa u ndalur për ta bërë të kalueshme qysh në sezonin e ardhshëm veror, pas kapërcimit të një fragmenti të vështirë gjeologjik, ju uroj një të diel të mbarë”, shkruan Rama në Facebook.