“Jemi drejtoria e Tatimeve”/ Procedohen dy të rinjtë në Korçë, mashtronin shoferat

Sipas policisë, në bulevardin “Republika” në Korçë, dyshja iu bënin shenjë automjeteve të ndalonin, me një tabelë me mbishkrimin "Drejtoria e Përgjithshme e Tatimeve, Kontrolli Tatimor".

Njoftimi i policisë:

Specialistët për Hetimin e Krimeve të Komisariatit të Policisë Korçë referuan materialet në Prokurori, ku filloi procedimi penal për veprën penale "Përvetësimi i titullit apo i detyrës shtetërore" për shtetasit R. V., 19 vjeç, banues në Tiranë dhe H. F., 24 vjeç, banues në Korçë.

Në bulevardin "Republika", Korçë, këta shtetas janë konstatuar në rrugë duke iu bërë shenjë automjeteve të ndalonin, me një tabelë me mbishkrimin "Drejtoria e Përgjithshme e Tatimeve, Kontrolli Tatimor",  e cila u sekuestrua në cilësinë e provës materiale.