Ilir Proda shkarkohet nga posti i Drejtorit të Përgjithshëm të Policisë së Shtetit

Po ashtu, bëhet me dije se është shkarkuar edhe drejtori i Policisë së Tiranës, Elton Alushi. Shkarkimi i dy krerëve të policisë ka ardhur pas motivacionit se nuk kanë marrë masat e duhura për protestën e djeshme të opozitës që shkaktoi trazira.

Shkarkohet drejtori i Policisë së Tiranës

Pas shkarkimit të Drejtorit të Përgjithshëm të Policisë së Shtetit, Ilir Proda, këtë të diel ka ndodhur edhe një largim tjetër.

Sot është shkarkuar nga detyra drejtori i Policisë së Tiranës, Elton Alushi.

Pas shkarkimit të Ilir Prodës/ Ja kush komandohet në krye të Policisë së Shtetit

Pas shkarkimit nga detyra të Ilir Prodës, mësohet emri që do të mbajë detyrën e Drejtorit të Përgjithshëm të Policisë së Shetit.

Në krye të Policisë së Shtetit është komanduar Sokol Bizhga.

Për shkak të detyrën që mban aktualisht si Zëvendësdrejtor i Përgjithshëm, pritet që emërimi i Bizhgës të bëhet gjatë javës së ardhshme.

Kush është Sokol Bizhga?

Bizhga u lind në vitin 1962 në Gjirokastër. Në vitin 1990 ka marrë titullin “Oficer”, pas përfundimit të Shkollës së Lartë të Ministrisë së Punëve të Brendshme.

Gjatë karrierës së tij, Bizhga ka mbajtur detyrat si më poshtë:

Nga viti 1990 deri në vitin 1992, Inspektor i Policisë Kriminale, në Komisariatin e Policisë Vlorë;

1992-1997 – Shef i Policisë Kriminale, në Komisariatin e Policisë Vlorë;  

1997-1999 – Specialist në Drejtorinë e Policisë Kriminale, në MPB;

Prill-nëntor 1999 – Zëvendësdrejtor në DVP Durrës;  

Dhjetor 1999-mars 2002 – Zëvendësdrejtor në DVP Tiranë;

Prill 2002-prill 2004 – Drejtor i Policisë Kriminale;

Prill 2004-shtator 2006 – Shef i degës mësimore në Akademinë e Policisë;

Shtator 2006-nëntor 2009 – Shef i Sektorit të Krimeve të Rënda, në DVP Berat;

Nëntor 2009-nëntor 2013 – Specialist për krimet e rënda, në Drejtorinë e Policisë Kriminale në Departamentin për Hetimin e Krimeve;

Nëntor 2013-shtator 2013 – zëvendësdrejtor për Hetimin e Krimeve, në Policinë e Shtetit;  

Shtator 2013-prill 2017 – Drejtor i planifikimit strategjik, në Drejtorinë e Përgjitshme të Policisë së Shtetit;  

Prill 2017-dhjetor 2022 – Drejtor i Forcave Lëvizëse Operacionale, në Departamentin për Sigurinë Publike.