Humbi kontrollin e motorit dhe u përplas me bordurën e trotuarit, humb jetën motoristi

Uniformat blu bëjnë me dije se ngjarja ndodhi rreth orës 14:30 në rrugën e fshatit Kutalli, Dimal, ku 65-vjeçari, i identifikuar si Axhem Oshafi duke drejtuar motomjetin e tij, ka humbur kontrollin dhe si pasojë është përplasur me bordurën e trotuarit, anës rrugës.

Si pasojë e aksidentit 65-vjeçari ka ndërruar jetë.

Sakaq, grupi hetimor po punon për përcaktimin e shkakut të aksidentit.

Përfshihet nga flakët mjeti i efektivit të Policisë në Pogradec

Automjeti i një efektivi policie është përfshirë nga flakët rreth orës 3:00 të mëngjesit të sotëm në Lagjen 3 të Pogradecit.

Sipas të dhënave  paraprake, dyshohet se zjarri ka rënë për shkaqe aksidentale, megjithatë policia po vijon hetimet për sqarimin e ngjarjes.

Njoftimi i policisë

Në orët e para të mëngjesit të sotëm, në lagjen nr. 3, Pogradec, rruga “Reshit Çollaku”, ka rënë zjarr në automjetin tip “Mercedes-Benz”, në pronësi të shtetasit Th. H., (me detyrë punonjës policie pranë Sektorit të Policisë Rrugore të DVP Korçë).

Nga këqyrja paraprake, dyshohet se zjarri mund të ketë rënë për shkaqe aksidentale në pjesën e brendshme të motorit të automjetit, i cili është djegur pjesërisht.

Grupi hetimor po punon për përcaktimin e shkaqeve të rënies së zjarrit.