Himarë/ Vodhi një makinë luksoze e tentoi t’i ikë policisë, kapet pas ndjekjes 40-vjeçari

Bëhet fjalë për Florian Mehmetin, me precedentë kriminal në fushën e vjedhjes.

 40-vjeçari, pasi ka vjedhur automjetin tip “Suzuki”, në pronësi të shtetasit me iniciale L. V., në vendin e quajtur “Llaman”, është larguar me shpejtësi, në aksin rrugor “Himarë-Sarandë”.

Efektivët e policisë janë vënë menjëherë në ndjekje të këtij shtetasi, dhe pas disa minutash, kanë bërë të mundur kapjen e tij.

Automjeti i vjedhur, së bashku me një automjet tjetër, që dyshohet se përdori 40-vjeçari për t’iu afruar vendit ku kreu vjedhjen, u sekuestruan në cilësinë e provës materiale.

Vijon puna për zbardhjen e vjedhjeve të tjera që mund të jenë kryer nga ky shtetas. Materialet procedurale i kaluan Prokurorisë pranë Gjykatës së Rrethit Gjyqësor Vlorë, për veprime të mëtejshme.