Tjetër incident në Jug, skafi përplas për vdekje të miturin në Himarë

4 muaj më parë - 2 Gusht 2022, Gazeta Shqiptare
Tjetër incident në Jug, skafi përplas për vdekje të miturin në Himarë
Fëmija kishte ardhur me pushime me familjen/ Detajet nga aksidenti tragjik në Himarë: Pushuesit vënë duart në kokë! EMRI/ Goditi për vdekje me skaf fëmijën 5-vjeç, autori ish-shef i komisariatit të Himarës, ja posti që mban aktualisht; Komisari përplasi për vdekje fëmijën 5 vjeç në plazhin e Himarës, reagon AMP

Tjetër incident në Jug, skafi përplas për vdekje të miturin në Himarë

Një fëmijë është përplasur për vdekje nga një skaf mesditën e kësaj të marte në Himarë. 

Ngjarja ka ndodhur në plazhin e Potamit.

Himarë/Informacion paraprak

Sot, rreth orës 14:00, në plazhin e Potamit, shtetasi A. T., duke drejtuar një mjet lundrues tip skaf, dyshohet se ka humbur kontrollin mbi drejtimin e mjetit lundrues dhe për pasojë mjeti lundrues ka goditur një fëmijë rreth 5 vjeç, i cili për shkak të dëmtimeve ka ndërruar jetë në vendngjarje.

Drejtuesi i mjetit lundrues është shoqëruar në Komisariatin e Policisë Himarë dhe po kryhen procedurat për arrestimin e tij.

Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.

Kjo nuk është hera e parë gjatë kësaj periudhe që ka pasur persona të plagosur si pasojë e mjeteve lundruese. Manovrat e rrezikshme disa here u kanë rrezikuar jetën pushuesve, siç ka ndodhur në Jalë, ku drejtuesi i një skafi Gjergj Priftuli aksidentoi një çift pushuesish, në gjendje të rëndë. Një tjetër rast i rrezikshëm ndodhi në plazhin e Jonufrës, ku një 40-vjeçar duke drejtuar një mjet lundrues tip gomone dëmtoi një fëmijë 7-vjeçar që ishte duke notuar në afërsi të bregut.

Fëmija kishte ardhur me pushime me familjen/ Detajet nga aksidenti tragjik në Himarë: Pushuesit vënë duart në kokë!

Një tjetër tragjedi nga pakujdesia ka ndodhur ditën e sotme në Himarë, aty ku raportohet se një skaf ka aksidentuar një të mitur, i cili ka ndërruar jetë.

Bëhet fjalë për një fëmijë 5 vjeçar.

Aksidenti ka ndodhur në zonën e Potamit dhe drejtuesi i mjetit lundrues është shtetasi A.T.  banues në Himarë, i cili është arrestuar.

Detajet janë zbuluar nga Gazeta Shqiptare.

Mësohet se ngjarja ndodhi rreth orës 14. Fëmija ishte bashkë me familjen për pushime. Mësohet nga burime se jetonin jashtë vendit dhe kishin ardhur për të kaluar disa ditë pushime. Duket se shkak i tragjedisë mund të jetë humbja e kontrollit të mjetit lundrues apo lundrimi shumë afër bregut të detit.

Deklarata e policisë

Sot, rreth orës 14:00, në plazhin e Potamit, shtetasi A. T., duke drejtuar një mjet lundrues tip skaf, dyshohet se ka humbur kontrollin mbi drejtimin e mjetit lundrues dhe për pasojë mjeti lundrues ka goditur një fëmijë rreth 5 vjeç, i cili për shkak të dëmtimeve ka ndërruar jetë në vendngjarje.

Drejtuesi i mjetit lundrues është shoqëruar në Komisariatin e Policisë Himarë dhe po kryhen procedurat për arrestimin e tij.

Grupi hetimor ndodhet në vendngjarje dhe po punon për sqarimin e plotë të rrethanave të ngjarjes

EMRI/ Goditi për vdekje me skaf fëmijën 5-vjeç, autori ish-shef i komisariatit të Himarës, ja posti që mban aktualisht

Drejtuesi i skafit që goditi për vdekje fëmijën 5 vjeç në plazhin e Potamit, është identifikuar si Arjan Tase, ish-shefi i komisariatit të Himarës, ndërsa aktualisht mban detyrën e shefit të policimit në Komunitet në Drejtorinë Vendore të Policisë Elbasan.

Ngjarja ka ndodhur paraditen e sotme, ndërsa sipas dëshmisë së qytetarëve, mjeti ishte me shpejtësi të madhe dhe është parë të kryej manovra të rrezikshme.

Fëmija ndodhej në breg të detit, në një zonë të sigurtë, para syve të prindërve të tij, citon Balkan Web.

Goditja ka qenë tepër e fortë, duke i marrë jetën në vend. Sakaq, policia ka arrestuar drejtuesin e mjeti, i cili mësohet se ka deklaruar se ka pasur një defekt në mjet.

Komisari përplasi për vdekje fëmijën 5 vjeç në plazhin e Himarës, reagon AMP

Autoriteti i Mbikëqyrjes Policore ka ngritur një grup të posaçëm hetimor pas ngjarjes së rëndë të ndodhur në Himarë, ku Arjan Tase goditi për vdekje një fëmijë 5 vjeç.

“Pas marrjes dijeni të ngjarjes së rëndë të ndodhur në plazhin e Potamit, ku shtetasi Arjan Tase, me gradën Komisar dhe me detyrë Shef i Seksionit të Policimit në Komunitet në Komisariatin e Policisë Elbasan, ka goditur për vdekje një fëmijë 5 vjeç ndërsa drejtonte një mjet lundrues, Agjencia e Mbikëqyrjes Policore nën drejtimin e Prokurorisë së Rrethit Gjyqësor Vlorë ka ngritur menjëherë një grup të posaçëm hetimor për hetimin dhe zbardhjen e plotë të kësaj ngjarje. Aktualisht, shtetasi Arjan Tase ndodhet i shoqëruar në Komisariatin e Policisë Himarë” thuhet në njoftimin e AMP-së.

Support Ukraine