Frikë për hakmarrje, familja e Nikoll Radacit largohet nga banesa pas aksidentit tragjik me dy fëmijë të vdekur

Gazetarja Klodiana Haxhiaj bën me dije se familja e autorit është larguar për shkak të frikës së hakmarrjes. Burimet kanë bërë me dije se policia ka bërë të mundur largimin e tyre  mbrëmjen e kaluar.

NGJARJA

Aksidenti i rëndë u shënua mesditën e 3 majit në zonën e ish-kënetës në Durrës, ku Nikoll Radaci, 57 vjeç, teksa drejtonte automjetin tip “Mercedes-Benz ML” me shpejtësi të lartë, përplasi tre fëmijët të moshave 8, 10 dhe 12 vjeç, që ndodheshin në trotuar. Dy prej tyre, 10 dhe 12 vjeçari ndërruan jetë në vendngjarje nga përplasja e fortë e makinës, ndërsa 8-vjeçari u dërgua në gjendje të rëndë në spital.

Radaci rezultoi në gjendje të dehur në momentin e aksidentit. Pas ngjarjes, ai u largua nga vendi i aksidentit, por u vu në pranga më pas nga policia. 57-vjeçari rezultoi se ishte ndëshkuar më parë për shkelje të rregullave të qarkullimit rrugor, përfshirë parakalime të gabuara dhe tejkalim shpejtësie ndërsa i ishte pezulluar patenta nga 1 muaj.

Ndaj tij rëndojnë akuzat për “Shkelje të rregullave të qarkullimit rrugor” me pasojë vdekjen e dy personave, “Drejtim i automjetit në gjendje të dehur” dhe “Largim nga vendi i aksidentit”.

Aksidenti tragjik në Durrës, gazetarja: Autori u ndesh me banorë të tjerë rrugës! Në polici e justifikoi largimin nga vendi me frikën prej dëshmitarëve okularë

Gazetarja Xhensila Kodra ishte mbrëmjen e sotme në Studio24, për të folur më shumë mbi aksidentin tragjik të një dite më parë në zonën e ish-Kënetës së Durrësit.

Ajo u shpreh se autori u largua nga vendngjarja dhe e justifikoi në polici me frikën prej dëshmitarëve okularë.

Xhensila Kodra: Është ndeshur rrugës dhe me banorë të tjerë. Nuk ëhstë arrestim në flagrancë. Është larguar nga vendi. Justifikimi që ka dhënë ën polici ka pohuar se është larguar nga frika si mund të kishin reaguar banorët dëshmitarë. Është marrë disa herë në pyetje pasi nuk ka qenë i vetëdijshëm. Në deklarimet e tij nuk mbante mend asgjë që ka ndodhur, dinte të pohonte se ka qenë i dehur. Deklaroi se kishte marrë në qafë atë, familjet që humbën fëmijët, fëmija 8 vjeçar që ka kaluar rrezikun.