Falsifikuan dokumentet e një aksidenti dhe ia hodhën fajin shoferit tjetër, pezullohen nga detyra 4 punonjës policie

9 muaj më parë - 12 Korrik 2023, Gazeta Shqiptare
Falsifikuan dokumentet e një aksidenti dhe ia hodhën fajin shoferit tjetër, pezullohen nga detyra 4 punonjës policie
Janë pezulluar 4 punonjës policie të cilët akuzohen se falsifikuan dokumentet e një aksidenti dhe ia hodhën fajin shoferit tjetër.

Sipas bluve, katër efektivët e pezulluar nga detyra  dyshohet se kanë manipuluar provat për një aksident me dëme materiale, si dhe kanë falsifikuar një test alkoli, duke mos e aplikuar tek shkaktari i aksidentit por tek një tjetër person.

Ndërkohë hetimet vazhdojnë për identifikimin e punonjësve të tjerë të dyshuar si të implikuar.

Njoftimi:

Agjencia e Mbikëqyrjes Policore (Rajoni Elbasan Korçë) ka zbatuar Urdhërin e Prokurorisë për ekzekutimin e vendimit penal të Gjykatës së Shkallës së Parë të Juridiksionit të Përgjithshëm Korçë, e cila ka vendosur masën e sigurimit të karakterit ndalues “Pezullim i ushtrimit të një detyre a shërbimi publik” për punonjësit e policisë të mëposhtëm:

– Nënkomisar K. SH., 32 vjeç, me detyrë Specialist i Trafikut Urban dhe Interurban në Sektorin e Policisë Rrugore në DVP Korçë, i dyshuar për kryerjen e veprës penale “Falsifikim i dokumentave” në bashkëpunim.

– Inspektor K. ZH., 27 vjeç, me detyrë Trupë shërbimi në Sektorin e Policisë Rrugore në DVP Korçë, i dyshuar për kryerjen e veprës penale “Falsifikim i dokumentave” në bashkëpunim.

– Inspektor O. L., 25 vjeç, me detyrë Trupë shërbimi në Sektorin e Policisë Rrugore në DVP Korçë, i dyshuar për kryerjen e veprës penale “Falsifikim i dokumentave” në bashkëpunim.

Këta punonjës policie dyshohet se kanë manipuluar provat për një aksident me dëme materiale, si dhe kanë falsifikuar një test alkoli, duke mos e aplikuar tek shkaktari i aksidentit por tek një tjetër person.

Hetimet vazhdojnë për identifikimin e punonjësve të tjerë të dyshuar si të implikuar, ndërsa materialet proceduriale u referuan në Prokurorinë Pranë Gjykatës së Shkallës së Parë të Juridiksionit të Përgjithshëm Korçë

AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, duke telefonuar në numrin e gjelbër 0800 90 90.

Aksident i rëndë/ Makina përplas këmbësorin, humb jetën i moshuari

Një aksident me pasojë vdekjen e një 79-vjeçari ka ndodhur në aksin rrugor Elbasan-Librazhd.

Lajmin e ka bërë të ditur policia përmes një njoftimi, ku thuhet se 79-vjeçari është përplasur nga një automjet tip Benz që drejtohej nga një 34 vjeçar.

Drejtuesi i automjetit është shoqëruar në Komisariatin e Policisë për veprime të mëtejshme, ndërkohë po punohet për zbardhjen e plotë të ngjarjes.

Njoftimi i Policisë:

Elbasan-Rreth orës 21:00, në aksin rrugor Elbasan-Librazhd, në fshatin Mengel, automjeti tip “Benz”, që drejtohej nga shtetasi Xh. A., 34 vjeç, ka aksidentuar shtetasin O. B., 79 vjeç, këmbësor.

79-vjeçari pas mbërritjes në Spitalin Rajonal Elbasan, ka ndërruar jetë.

Drejtuesi i automjetit është shoqëruar në Komisariatin e Policisë për veprime të mëtejshme.

Grupi hetimor në vendin e ngjarjes vijon veprimet hetimore për zbardhjen e plotë të rrethanave dhe shkakut të aksidentit

Përmbyset zetori në Cërrik, drejtuesi ndërron jetë në vendngjarje

Një i moshuar ka ndërruar jetë pasi e ka zënë poshtë zetori që po punonte tokën.

Cërrik/Informacion paraprak

Rreth orës 19:15, në rrugë rurale, në fshatin Dëshiran, Belsh, shtetasi R. Q., 74 vjeç, duke drejtuar mjetin bujqësor ‘Zetor’, dyshohet se ka humbur kontrollin mbi drejtimin e mjetit dhe për pasojë mjeti është përmbysur.

Grupi hetimor po punon për zbardhjen e plotë të rrethanave të ngjarjes.

Drejtuesi i mjetit shtetasi R. Q., ka ndërruar jetë në vendngjarje.

Support Ukraine