Elbasan/ Dy aksidente në pak minuta, raportohet për një viktimë

Aksidenti më i rëndë ka ndodhur në aksin kombëtar Elbasan–Librazhd, konkretisht në segmentin rrugor Xibrakë–Labinot Fushë ku dy automjete janë përplasur mes tyre me një shpejtësi të konsiderueshme. Përplasja ka qenë e fortë dhe për pasojë janë dëmtuar rëndë dy persona, të cilët u transportuan me urgjencë në spital.

Fatkeqësisht, njëri prej tyre nuk arriti t’i mbijetojë plagëve dhe ndërroi jetë në ambientet spitalore. Ndërkohë, një tjetër aksident është regjistruar në Kthesat e Murrashit, ku një automjet ka dalë nga rruga, por fatmirësisht pa pasoja serioze për drejtuesin e mjetit. Megjithatë, incidenti ka shtuar shqetësimet për sigurinë rrugore në këtë zonë.

Rrethanat e plota dhe shkaqet e saktë të këtyre ngjarjeve nuk janë ende të qarta, ndërsa grupet hetimore ndodhen në vendngjarje për të kryer verifikimet përkatëse. Paraprakisht dyshohet se shpejtësia e lartë dhe kushtet e vështira atmosferike, me reshje të dendura shiu në zona të ndryshme të qarkut, kanë ndikuar në përkeqësimin e kushteve të qarkullimit dhe për pasojë në shtimin e rrezikut të aksidenteve.

Aksident në Kurbin, shoferja humb kontrollin e mjetit, përplas dy këmbësor dhe shitësen ambulante

Një aksident ka ndodhur pranë Kishës “Shna Ndou” në Kurbin.

Drejtuesja e automjetit tip “Benz” ka humbur kontrollin dhe për pasojë ka aksidentuar dy këmbësorë, 21 vjeçe dhe shtetasin 39-vjeç, si edhe shitësen ambulante 18-vjeç.

Të dëmtuarit ndodhen në Spitalin Rajonal të Kurbinit, ku po marrin ndihmë mjekësore dhe janë jashtë rrezikut për jetën.

Grupi hetimor po vijon veprimet për sqarimin dhe dokumentimin e plotë të rrethanave të ngjarjes.

Makina del nga rruga në aksin Berat-Roskovec, një i plagosur

Një automjet ti p “Audi” ku udhëtonin 5 persona, ka dalë nga rruga në aksin Berat-Roskovec. Mësohet se një person është plagosur dhe është dërguar në spital.

Pëe kontroll janë dërguar të gjithë personat e tjerë që ndodheshin në automjet.

Mesohet se të aksidentuarit janë shtetas të huaj, me origjinë nga India.

Makina del nga rruga në Peshkopi, përplas efektivin e policisë në krye të detyrës

Një 27-vjeçar duke drejtuar një automjet tip “Golf”, dyshohet se ka humbur kontrollin mbi drejtimin e mjetit  duke u përplasur me një dyqan. Si pasojë e aksidentit, është dëmtuar një punonjës policie në shërbim, i cili ndodhet në spital nën kujdesin e mjekëve.

Bëhet fjalë për Veli Gjurra.

Nga verifikimet paraprake ka rezultuar se drejtuesi i automjetit ishte nën efektin e alkoolit dhe është shoqëruar në komisariat për veprime të mëtejshme procedurale.

Grupi hetimor ndodhet në vendngjarje dhe po punon për të zbardhur rrethanat e aksidentit.

U aksidentua nga një makinë, efektivi në gjendje të rëndë te Trauma

Veli Gjurra, polici që u aksidentua mbrëmë në Dibër ndodhet në gjendje të rëndë tek Trauma në reanimacion.

Mësohet se Gjurra ka dëmtime në kokë.

Nga verifikimet paraprake ka rezultuar se drejtuesi i automjetit ishte nën efektin e alkoolit dhe është shoqëruar në komisariat për veprime të mëtejshme procedurale.