Në makinën e prokurorit Ndoj, dosja e Skerdilajd Konomit dhe dokumentat e vjedhura në Prokurori

6 Nëntor 2019 - Gazeta Shqiptare

Në makinën e prokurorit Ndoj, dosja e Skerdilajd Konomit dhe dokumentat e vjedhura në Prokurori

Burime brenda Policisë së Shtetit, i thanë Top Channel se në bagazhin e makinës ku ndodhej prokurori i Durrësit së bashku me nje person me rekorde kriminale, janë gjetur disa thasë me dokumente.

Ndër këto dokumenta është gjetur edhe dosja e vjedhur nga kasaforta e Prokurorisë së Durrësit disa kohë me pare, si edhe dosja e gjykatësit të vrarë disa vite me pare, Skerdilajd Konomi!

Të njëjtat burime thonë se pista kryesore e hetimit është pikerisht një konflikt për tokat e pretenduara nga familja e viktimës, ku disa kohë më parë është bërë një transaksion i dyshimtë në hipotekën e Durrësit në favor të një organizate kriminale, çka mendohet se ka çuar edhe në konfliktin mes prokurorit dhe drejtuesit të ri të hipotekës që kishte rënë në gjurmët e këtij transaksioni!

Nëse e gjithë sa u tha nga burimet për Top Channel rezulton e saktë, atëherë del në pah lidhja e supozuar mes prokurorit dhe personit me rekorde kriminale që gjendej në makinë me të, i cili figuron pjesëtar i asaj organizate.

Në maj të vitit 2018 në Prokurorinë e Durrësit ndodhi një grabitje e dokumentave nga persona të paidentifikuar të cilët kishin arritur të dëmtonin edhe serverin. Në atë kohë u dha se asnjë dokument nuk kishte humbur sepse ishte i dubluar. Dokumentat e tjera sipas burimeve lidhen me ish gjyqtarin Skerdilajd Konomi, i cili u ekzekutua me një bombë në vitin 2011. Makina e tij shpërtheu nga një eksploziv i telekomanduar, ndërsa gjyqtari ishte në timon në bulevardin Vlorë-Skelë. Një nga pistat kryesore të vrasjes së Konomit, mbetet çështja e pronave që paraardhësit e 33- vjeçarit zotëronin në Hamallaj të Durrësit.

“Nuk i kam borxh askujt”: Flet prokurori Ndoji: Kanë trilluar histori për mua

Pasi i shpëtoi atentatit me armë zjarri, që iu be fundjavën e shkuar, prokurori Arjan Ndoj thote se nuk i trembet askujt. Nga reparti i ortopedise ne spitalin e Durresit ku vijon te kurohet, prokurori bisedoi me gazetaren e New24, Klodjana Haxhiaj, dhe tha se ua ka lene organeve te drejtesise te zbardhin ngjarjen. Pavaresisht kesaj, Ndoj eshte i bindur se atentati i eshte bere per shkak te detyres se tij si Prokuror, por nuk zbardh te tjera detaje per çeshtje apo dosje konkrete.

“Ua kam lënë në dorë organeve të drejtësisë ta zbardhin ngjarjen. Unë nuk i trembem askujt, pasi nuk i kam borxhe askujt. Mediat kanë trilluar shumë histori për mua. Kam investuar 20 vite në punën time. Do flas në një moment tjetë për të gjithe ngjarjen, e cila ka ndodhur për shkak të Arjanit prokuror”, shprehet prokurori Ndoji për “Neës24”.

Si pasoje e plumbave te atentatit te 1 nentorit prane mbikalimit te Shkozetit mbeti i plagosur prokurori Arjan Ndoj, miku i tij qe po ashtu ndodhej ne automjet se bashku me te Aleksandër Laho, i njohur ndryshe si i forti i Sukthit si dhe shoferi personal i Prokurorit Andi Maloku. 72 orë pas atentatit policia ndaloi autorin e pare te dyshuar 34 vjeçarin Redjan Rraja kushëri i deputetit socialist Rrahman Rraja.

Atentati i prokurorit: Gjykata lë në burg Redjan Rrajan

Lihet në burg Redjan Rraja, i arrestuar në lidhje me atentatin në Shkozet ndaj prokurorit Arjan Ndoj.Vendimi është dhënë nga gjykata e krimeve të rënda.Sipas trupës gjyqësore, arrestimi është i ligjshëm. ‘Burg pa afat’, ka qenë masa e sigurisë e dhënë nga gjykata.

Shiteni Makinën Tuaj