Dy automjete duke ndjekur njëra-tjetrën përplasën 2 makina në semafor, detaje nga aksidenti te “Pallati me Shigjeta”! Pas përplasjes shoferët ikën me vrap, çfarë u gjet në mjetin e braktisur

Raportohet se dy makina kanë qenë duke ndjekur njëra-tjetrën dhe kanë përplasur dy mjete  të ndaluara në semafor.

Pas aksidentit, dy shoferët e identifikuar si Eduart Koboçi, 28 vjeç dhe Zenel Torofin, 35 vjeç, kanë braktisur automjetet që drejtonin dhe janë larguar. Dyshohet gjithashtu se mes tyre ka pasur edhe një përplasje me armë.

Gjatë kontrollit në automjetin që dyshohet se e drejtonte 28 vjeçari Eduart Koboçi shërbimet e Policisë kanë gjetur një predhë të dyshuar arme zjarri pistoletë.

“Specialistët për Hetimin e Krimeve të Komisariatit të Policisë Nr. 2: Shpallën në kërkim shtetasit E. K., 28 vjeç dhe Z. T., 35 vjeç, pasi mbrëmë, rreth orës 23:20, afër pallatit me shigjeta, dyshohet se duke ndjekur njëri-tjetrin, me automjete, kanë përplasur 2 automjete të ndaluara në semafor.

Pas përplasjes me dëme materiale, ata kanë braktisur automjetet që drejtonin dhe janë larguar. Gjatë kontrollit në automjetin që dyshohet se e drejtonte shtetasi E. K., shërbimet e Policisë kanë gjetur një predhë të dyshuar arme zjarri pistoletë. Punohet për kapjen e 2 shtetasve të shpallur në kërkim dhe për dokumentimin e plotë të ngjarjes”, njoftoi policia.

PAMJET/ Aksident në kryeqytet, makina përplas të moshuarin që po lëvizte me biçikletë

Një aksident rrugor ka ndodhur këtë mesditë në Unazën e Madhe në Tiranë.

Burime për News 24 bëjnë me dije se një makinë ka përplasur një të moshuar që po lëvizte me biçikletë.

Nuk dihen ende rrethanat e aksidentit, ndërkohë që policia ka shkuar në vendngjarje për hetimin e rrethanave të aksidentit.

Ndërsa i plagosuri është transportuar në spital për ndihmë mjekësorë.