Drejtonte motorin i dehur, aksidentohet 58-vjeçari. Niset drejt Tiranës

Një 58-vjeçar duke drejtuar në gjendje të dehur një mjet ciklomotor, dyshohet se ka humbur kontrollin dhe për pasojë ka marrë dëmtime të shumta trupore. Policia bën me dije se shtetasi Q. R është transportuar në Tiranë për mjekim më të specializuar.

“Mesditën e sotme në aksin rrugor Pogradec-Qafë Thanë, në fshatin Memlisht, shtetasi Q. R., 58 vjeç, banues në fshatin Memlisht, Pogradec, duke drejtuar në gjendje të dehur mjetin ciklomotor tip “Piaggio”, pa targë, dyshohet se ka humbur kontrollin e mjetit, për pasojë ka marrë dëmtime trupore dhe u transportua në Tiranë për mjekim më të specializuar”-njofton policia.

Po punohet për sqarimin e rrethanave të ngjarjes.

Motoçikleta përplaset kokë më kokë me makinën/ Humb jetën 17-vjeçari shqiptar në Greqi, shoferi largohet nga vendngjarja, por arrestohet!

Një aksident është raportuar në Greqi. Mësohet se është aksidentuar  një 17-vjeçar shqiptar i cili banonte në Oropou. Aksidenti ka ndodhur në rrugën Avlona-Skala Oropou.

17-vjeçari ka qenë duke udhëtuar me motoçikletë ndërsa është përplasur kokë më kokë me një automjet, që drejtohej nga I.X. I riu shqiptar është dërguar në spital, por fatkeqësisht nuk ia ka dalë, ndërsa ka humbur jetën mëngjesin e sotëm.

Aksidenti ka ndodhur ditën e djeshme, ndërsa drejtuesi i makinës ka braktisur automjetin pas aksidentit, duke lënë edhe viktimën e gjakosur në vendin e ngjarjes, shkruajnë mediat e huaja.

Por autoritetet kanë rrethuar zonë duke bërë të mundur edhe arrestimin e autorit, një 30-vjeçar shqiptar që banonte në Greqi.