Aksident me motor në rrugën Pogradec-Qafë Thanë, shoferi i dehur dërgohet në Tiranë!
Një aksident i rëndë ka ndodhur ditën e sotme në aksin Pogradec – Qafë Thanë, ku një person, duke drejtuar në gjendje të dehur një motoçikletë, ka humbur kontrollin dhe është rrëzuar, duke pësuar dëmtime të rënda.
Për pasojë ai është nisur në drejtim të Tiranës për marrjen e një ndihme më të specializuar mjekësore.
Pogradec/Informacion paraprak
Mesditën e sotme në aksin rrugor Pogradec-Qafë Thanë, në fshatin Memlisht, shtetasi Q. R., 58 vjeç, banues në fshatin Memlisht, Pogradec, duke drejtuar në gjendje të dehur mjetin ciklomotor tip “Piaggio”, pa targë, dyshohet se ka humbur kontrollin e mjetit, për pasojë ka marrë dëmtime trupore dhe u transportua në Tiranë për mjekim më të specializuar. Po punohet për sqarimin e rrethanave të ngjarjes.
