Dëmtoi makinën e Policisë dhe kanosi efektivin, arrestohet 29 vjeçari

Në pranga ka rënë i riu Sh.G., banues në fshatin Ndërmenas.

Shkak është bërë bllokimi i një gomoneje, në të cilin ky shtetas ndodhej pasagjer.

Njoftimi i policisë:

Komisariati i Policisë Fier arrestoi  shtetasin:

-Sh. G., 29 vjeç, banues në fshatin Ndërmenas, për veprat penale “Kanosje për shkak të detyrës”, “Shkatërrimi i Pronës”, dhe “Prodhimi dhe shitja e lëndëve narkotike”.

Ky shtetas ka dëmtuar automjetin e Policisë të Postës Kufitare Hoxharë, si dhe ka kanosur oficerin e Policisë që po drejtonte automjetin, pasi në Postën Kufitare Hoxharë nga Policia Kufitare ishte bërë bllokimi i një mjeti lundrues tip gomone në pronësi të shtetasit J. Xh., në të cilin ndodhej edhe shtetasi Sh. G.

Në  momentin që ka dëmtuar mjetin e Policisë, ky shtetas qarkullonte me automjetin e tij dhe shërbimet e Policisë gjatë kontrollit  i kanë gjetur dhe sekuestruar një sasi të vogël lende të dyshuar narkotike, cannabis sativa.

EMRI/ Humbi kontrollin e motomjetit, ndërron jetë 64 vjeçari

Një aksident i rëndë ka ndodhur pasditen e sotme (29 qershor) në aksin rrugor Fier-Pishporo, ku një 64 vjeçar ka humbur kontrollin e motomjetit e ka dalë nga rruga.

Si pasojë e aksidentit ka ndërruar jetë drejtuesi Llambi Doko.

Sipas uniformave blu, ngjarja ka ndodhur rreth orës 17:50.

Njoftimi i policisë:

Sot më datë 29.06.2024, rreth orës 17:50, në aksin rrugor “Fier-Pishporo”, shtetasi Ll. D., rreth 64 vjeç, duke drejtuar një motomjet pa targa, ka humbur kontrollin e motomjetit dhe ka dalë nga rruga.

Si pasojë e daljes së motomjetit nga rruga ka humbur jetën shtetasi Ll. D..

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.

Përfshihet nga flakët automjeti në Orikum, makina shkrumbohet plotësisht pasi zjarrfikësja u vonua prej trafikut të rënduar

Një automjet është djegur plotësisht në Orikum, Vlorë, pasi është përfshirë nga flakët.

Mësohet se në automjeti tip Pezho 307 ndodhej drejtuesi i mjetit dhe një persona tjetër, por fatmirësisht nuk kanë pësuar asnjë dëm.

Burime bëjnë me dije se është kërkuar ndihmë e zjarrfikëses të Vlorës, pasi Orikumi nuk ka zjarrfikëse, por nuk ka mbërritur në kohë  për të parandaluar djegien e automjetit, për shkak të trafikut të rënduar.

Rrethanat e zjarrit janë ende të paqarta, ndërsa dyshohet se shkak është bërë një shkëndijë elektrike.