Një aksident rrugor është regjistruar këtë të enjte rreth orës 12:20, në vendin e quajtur “Stan Karbunarë” në Lushnje. Policia bën me dije se një makinë ka përplasur një 65-vjeçar që po lëvizte me biçikletë.
Si pasojë e përplasjes, drejtuesi i biçikletës ka ndërruar jetë, ndërsa drejtuesi i mjetit është shoqëruar në ambientet e Policisë, për kryerjen e veprimeve të mëtejshme procedurale.
“Rreth orës 12:20, në vendin e quajtur “Stan Karbunarë”, automjeti tip “Benz” me drejtues shtetasin A. B., 60 vjeç, ka aksidentuar shtetasin H. Ç., 65 vjeç, i cili ishte duke udhëtuar me biçikletë.
Si pasojë e përplasjes, drejtuesi i biçikletës ka ndërruar jetë, ndërsa shtetasi A. B. u shoqërua në ambientet e Policisë, për kryerjen e veprimeve të mëtejshme procedurale”-njofton policia.
Grupi hetimor po punon për përcaktimin e shkaqeve të aksidentit.
