Arrin deri në 15 cm trashësia e dëborës në Malësinë e Krujës. Ja si paraqitet situata në rrugë

1 muaj, 3 javë më parë - 8 Janar 2024, Gazeta Shqiptare
Arrin deri në 15 cm trashësia e dëborës në Malësinë e Krujës. Ja si paraqitet situata në rrugë
Për shkak të uljeve të temperaturave, reshje bore ka patur gjatë natës në malësinë e Krujës, kryesisht në lartësitë e parkut kombëtar të Qafështamës dhe të malit me gropa.

Sipas informacioneve, trashësia e dëborës ka shkuar në rreth 15 cm.

Aktualisht nuk raportohet për problematika apo rruge të bllokuara në këto zona ndërkohë që reshjet kanë pushuar.

Kthehen reshjet e dëborës në juglindje, nis kriposja e rrugëve. Paralajmërimi për drejtuesit e mjeteve: Përdorni goma dimërore dhe zinxhirë!

Në Juglindje vijojnë reshjet me intensitet mesatar, kryesisht në qarkun e Korçës, në akset rrugore Korçë – Voskopojë dhe Zëmblak – Doganë – Goricë.

Momentalisht nuk evidentohen bllokime, por rekomandohet kujdes i veçantë nga drejtuesit e automjeteve dhe përdorimi i gomave dimërore dhe në segmente të ndryshme, përdorimi i zinxhirëve të borës.

Kontraktorët ndodhen në terren dhe po bëjnë të mundur kriposjen e rrugëve dhe hapjen e tyre.

Rikthehet bora në juglindje të vendit, ja sa ka shkuar trashësia në rrugën Dardhë-Boboshticë

Rikthehen reshjet e dëborës në juglindje të vendit në lartësitë mbi 700 metër.

Rrëshajë ka pasur në segmentin rrugor Dardhë-Boboshticë, ndërsa trashësia ka shkuar deri në 5-6 cm.

Ekipet kanë qenë në terren me borëpastruese dhe kanë bërë të mundur pastrimin dhe kriposjen e rrugës.

Segmentet e tjera rrugore ne zonën e Korçës janë përfshirë nga reshjet e shiut, por kontraktorët janë në gatishmëri për çdo situatë.

Support Ukraine