Aksidenti në digën e liqenit, reagon policia: “X6” drejtohej nga kushëriri i Vis Martinajt, 28-vjeçari shpallet në kërkim

Gjatë ditës së djeshme ra në pranga Eldi Allushi, ti cilit policia i gjeti patentën në makinë me dyshimit se ishte ke drejtuesi i automjetit.

Mirëpo pas hetimeve rezultoi se në makinë me të kanë qenë edhe Jurgen Allushi dhe Emiljano Nina, e pikërisht ka qenë ky i fundit, kushëri i Vis Martinajt drejtuesi i mjetit, të cilin policia tanimë e ka shpallur në kërkim.

Po ashtu ka nisur procedim edhe për Jurgen Allushin.

Në banesën e Emiljano Ninës, policia ka gjetur edhe një shkup bejsbolli, të cilin e ka sekuestruar në cilësinë e provës.

Njoftimi i policisë:

Specialistët e Qarkullimit Rrugor, në vijim të veprimeve procedurale për aksidentin e ndodhur rreth orës 05:15, të datës 22.08.2023, në Rrugën e Kosovarëve, kanë arrestuar shtetasin:

-Eldi Alushi,, 26 vjeç, banues në Durrës, për veprat penale “Moskllëzimi i krimit”, “Veprime që pengojnë zbulimin e së vërtetës” dhe “Përkrahja e autorit të krimit”;

-kanë referuar materialet në Prokurori ku ka nisur procedimi në gjendje të të lirë për shtetasin Jurgen Allushi ., 25 vjeç, për veprën penale “Moskallëzimi i krimit”;

– kanë shpallur në kërkim shtetasin Emiljano Nina,., 28 vjeç, banues në Tiranë, për veprat penale “Shkelja e rregullave të qarkullimit rrugor”, “Drejtimi i automjetit në mënyrë të parregullt”, “Largimi nga vendi i aksidentit”, “Shkatërrimi i pronës”, “Moskallëzimi i krimit”, “Veprime që pengojnë zbulimin e së vërtetës” dhe “Prodhimi, mbajtja, blerja apo shitja pa leje e armëve të ftohta”.

Nga veprimet hetimore dyshohet se shtetasi Emiljano Nina., duke drejtuar automjetin “BMW”, në pronësi të shtetasi Eldi Alushi., për shkak të shpejtësisë shumë të lartë, ka humbur kontrollin, për pasojë automjeti ka dalë nga rruga dhe është përplasur me bordurën anësore, te Liqeni Artificial. Pasagjer në këtë automjet ka qenë shtetasi Jurgen Allushi, i cili pas aksidentit, është larguar bashkë me drejtuesin e automjetit.

Shtetasi Emiljano Nina ka përkrahur drejtuesin e automjetit dhe ka penguar në zbardhjen e rrethanave të ngjarjes, duke dhënë dëshmi të rreme në lidhje me rrethanat e aksidentit.

Në cilësinë e provës materiale është sekuestruar një shkop bejsbolli që është gjetur në banesën e shtetasit Emiljano Nina. Policia vijon kontrollet për kapjen dhe arrestimin e këtij shtetasi.

Aksidenti në digën e liqenit/ Eldi Allushi në makinë me dy persona të tjerë, një prej tyre kushëri i Vis Martinajt

Dy personat e tjerë që kanë qenë në makinë me Eldi Alushin në orët e para të mëngjesit të djeshëm kur ndodhi aksidenti në digën e liqenit janë identifikuar si Jurgen Allushi dhe Emiljano Nina, e njohur edhe me mbiemrin Tasho.

Ky i fundit është kushëri i Vis Martinaj dhe persona me disa precedentë. Policia është në kërkim të këtij shtetasi për ta marrë në pyetje.

Nisur nga dëshmia kontradiktore e Eldi Allushit, policia po verifikon thëniet e tij për të zbuluar nëse shofer në “X6” ndodhej ai apo Emiljano Nina.

Por kush është Emiliano Nina?

27-vjeçari është një person me precedentë penalë dhe i njohur për autoritetet vendase. Ai mbahet që nga vrasja e Enton Nikës, ngjarje e ndodhur në Linzë, më 11 nëntor të vitit 2015. gjithçka nisi për para me fajde.

Nina mbërriti në Linzë, pranë lokalit me emrin ‘Muraga’, i shoqëruar nga kushëriri i tij Ervis Martinaj, Mirsad Kuçan dhe Bujar Hasani Lika (tashmë i ndjerë).

Të katërt kërkonin Ismet Gaxherrin, pronarin e lokal ‘Muragës’, i cili u kishte para borxh. Mes tyre ndërhyri dhe Enton Nika e në momentin që Nina qëlloi me armë zjarri e vrau 30-vjeçarin e plagosi Gaxherrin. Dosja u mbyll dhe Nina u dënua, por problemet s’i la mënjanë.

Në vitin 2018, i riu që në atë kohë ishte 23 vjeç tronditi pushuesit në Dhërmi pasi qëlloi me armë zjarri në një klub natën. Ai qëlloi katër herë, por nuk la të lënduar.

E gjithë ngjarja, sipas bluve në atë kohë, ndodhi pas një sherri mes Emilianos dhe një tjetër personi, për konflikte të hershme mes tyre.

Emiliano (Nina) Tasho është gjithashtu i përfshirë edhe në vjedhje, më datë 30.09.2015 dhe më datë 12.03.2014, Nina marrë pjesë në dy vjedhje me armë zjarri.

Përfundoi në digën e liqenit me “X6-tën” e tij, Eldi Allushi ishte me dy të tjerë në makinë: Jep dëshmi kontradiktore në polici

Shoferi Eldi Allushi, i cili përfundoi në digën e liqenit me BMW “x6”  në orët e para të mëngjesit u ndalua nga policia rrugore në rrugën e Arbrit.

Gjatë marrjes në pyetje mësohet se ai ka dhënë dëshmi kontradiktore. Fillimisht 26 vjeçari ka mohuar të ketë qenë drejtues i mjetit luksoz, por më pas ka ngritur pretendimet se i ka ngelur pedalja e gazit e takuar.

Nga kamerat e sigurisë përgjatë zonës ka rezultuar se në automjet ndodheshin edhe dy të rinj të tjerë. Njëri prej tyre është shoqëruar nga Policia ndërsa tjetri po kërkohet për tu marrë në pyetje.

Ai u ndalua në orën 15:00 të së martës, dhe Eldi Allushit i është bërë testi i alkoolit dhe nuk ka rezultuar në efektin e pijeve alkoolike. Pavarësisht kësaj Policia ka dyshime se në orën 5 të mëngjesit që ka ndodhur aksidenti ai mund të ketë qenë i alkoolizuar apo i droguar.

Për të vërtetuar këtë dyshim i është marrë kampion gjaku dhe pritet përgjigje e analizave. Para se të arrestohej, brenda automjetit është gjetur patenta e Eldi Allushit.