Aksidenti me vdekje në Fier, vihet në pranga drejtuesi i mjetit

Ngjarja e rëndë ndodhi në fshatin Topojë, ku 65 vjeçari përplasi me automjet një motor, që drejtohej nga Vladimir Sema, 65 vjeç.

Për pasojë drejtuesi i motorit humbi jetën. Ndaj shoferit të arrestuar rëndon akuza “Shkelja e rregullave të qarkullimit rrugor”.

Del nga rruga mjeti i tonazhit të rëndë në Rubik, vdes 55 vjeçari

Një aksident i rëndë është shënuar mëngjesin e së hënës në Rubik, ku një mjet i tonazhit të rëndë ka dalë nga rruga. Për pasojë ka humbur jetën drejtuesi 55 vjeçar Lulzim Lika, banues në Laç.

Sipas policisë, 55 vjeçari ishte punonjës i një firme për nxjerrjen dhe përpunimin e mineraleve dhe po shkonte për te kantieri i punës. Po punohet për të zbardhur shkaqet e aksidentit.

Aksidenti në aksin “Koplik-Bajzë”/ Automjeti përplasi për vdekje 66-vjeçarin me motomjet, arrestohet shoferi

Një aksident me pasojë vdekjen ndodhi të dielën në aksin “Koplik-Bajzë” në Malësinë e Madhe. Mësohet se një automjet automjet aksidentoi drejtuesin e motomjetit, Rasim Shabaj, i cili humbi jetën. Si pasojë, drejtuesi i automjeti përfundoi në prangat e policisë.

“Në vijim të informacionit paraprak të dhënë të dielën, për një aksident në aksin rrugor “Koplik- Bajzë”, ju informojmë se në përfundim të veprimeve procedurale, Sektori i Policisë Rrugore arrestoi për veprën penale “Shkelja e rregullave të qarkullimit rrugor,” shtetasin 48 vjeç, sepse me automjetin që drejtonte, ka përplasur motomjetin që drejtonte shtetasi 66 vjeç, i cili si pasojë ka humbur jetë”, thuhet në njoftimin e policisë.

Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Sarandë/ Emigranti në timon përplaset me motomjetin, drejtuesi përfundon te Trauma

Një 51-vjeçar, banues në Itali, teksa drejtonte automjetin e tij, është përplasur me një motomjet.

Si pasojë, drejtuesi i këtij të fundit është dërguar në spitalin e Traumës, ku po merr trajtimin mjekësor.

“Seksioni i Policisë Rrugore në Sarandë arrestoi shtetasin 51 vjeç, banues në Itali, pasi në kryqëzimin e rrugëve “Gjon Pali” dhe “Përmeti,” duke drejtuar automjetin e markës “Fiat,” është aksidentuar me motomjetin tip “Piaggio”, me drejtues shtetasin 38 vjeç, i cili ndodhet në Spitalin e Traumës në Tiranë, nën kujdesin e mjekëve”, thuhet në njoftimin e policisë.

Ndërkohë, materialet u referuan Prokurorisë për veprime të mëtejshme.

Fluksi shumë i lartë i automjeteve/ Rrugorja shton masat, vendos mbi 24 mijë gjoba

Policia Rrugore ka shtuar masat me qëllim parandalimin e aksidenteve rrugore. Shkak është bërë fluksi shumë i lartë i automjeteve drejt zonave bregdetare, turistike dhe qendrave të mëdha të banimit.

Mësohet se në të gjithë vendin janë vendosur 24 231 masa administrative, ndërsa janë pezulluar 154 leje drejtimi dhe janë arrestuar 41 drejtues mjetesh,

Njoftimi i Policisë: 

Fluksi shumë i lartë i automjeteve drejt zonave bregdetare, turistike dhe qendrave të mëdhaja të banimit, Policia Rrugore shton masat me qëllim parandalimin e aksidenteve rrugore.

Monitorime intensive 24/7, duke përdorur mjete inteligjente shpejtësimatëse, poliskanë, radarë automatikë, dronë të cilësisë së lartë, dragera dhe teleskopë.

Si rezultat i monitorimit në të gjitha akset rrugore, gjatë javës që lamë pas:

• janë pezulluar 154 leje drejtimi, për shpejtësi mbi normat e lejuara, për drejtim të mjetit në efektin e alkoolit/në gjendje të dehur dhe për qarkullim në sens të kundërt;
• janë arrestuar 41 drejtues mjetesh, për drejtim të mjetit në gjendje të dehur dhe për drejtim të mjetit pa leje drejtimi.

Gjithashtu, në të gjithë vendin janë vendosur 24 231 masa administrative, nga këto:

• 6701 për shpejtësi tej normave të lejuara;
• 1014 për përdorim të celularit gjatë drejtimit të mjetit;
• 1306 për mospërdorim të rripit të sigurimit;
• 2357 për parakalime të gabuara;
• 267 për mosvendosje të kaskës mbrojtëse;
• 117 për manovra të rrezikshme në rrugë;
• 201 për drejtim të mjetit në efektin e alkoolit;
• 10034 për parkim të gabuar;
• 2234 për shkelje të tjera të Kodit Rrugor.

Më tej, gjatë javës që kaloi, janë goditur nga Policia Rrugore e Tiranës, 2 raste të tentativës për të korruptuar punonjësit e Policisë, me qëllim shmangien e masave administrative për shkeljet e konstatuara.

Policia Rrugore apelon për të gjithë drejtuesit e automjeteve dhe motomjeteve, për zbatim me rigorozitet të rregullave të qarkullimit rrugor, për qëndrim në radhë kur ka ngadalësim të lëvizjes së automjeteve në raste fluksi, për përdorim të rrugëve alternative, që t’iu japin përparësi këmbësorëve dhe të mos kryejnë parakalime të gabuara apo manovra të rrezikshme në qendrat urbane dhe në akset nacionale.

Gjithashtu, për drejtuesit e kamionëve që të zbatojnë me rigorozitet kufizimet e lëvizjes gjatë fundjavës dhe festave zyrtare.

Me qëllim rritjen e parametrave të sigurisë rrugore, Policia e Shtetit fton qytetarët që të denoncojnë në numrin pa pagesë 112, çdo rast të shkeljes së rregullave të qarkullimit rrugor.