Aksident në Lushnjë, autobusi përplaset me BMW-në dhe përfundon në murin e një biznesi

Përplasja ka shkaktuar dëme të shumta materiale, por fatmirësisht nuk raportohet për persona të lënduar.

Sipas informacioneve në vendngjarje, autobusi po lëvizte në korsinë e tij kur automjeti tip BMË i ka prerë rrugën. Pavarësisht frenimit të fortë nga drejtuesi i autobusit, përplasja nuk është shmangur.

Policia ndodhet në vendngjarje dhe po merr në pyetje dy drejtuesit e mjeteve për të sqaruar rrethanat dhe shkaqet e aksidentit.

Pasagjeret janë në pritje të ndonjë mjeti tjetër transporti për të vazhduar udhëtimin.

Aksident në aksin Fier - Lushnje, plagosen dy persona

Aksident i rëndë në autostradën Fier - Lushnje, në rrethrrotullimin e Kolonjës.

Rreth orës 1 të mëngjesit të së enjtes, një mjet ka dalë nga rruga, pasi është përplasur mbi barrierën metalike, duke fluturuar mbi të dhe ka përfunduar në kanalin poshtë urës, në një thellësi prej 5 metrash.

Është dashur ndërhyrja e menjëhershme e punonjësve të zjarrfikësve të Lushnjes dhe stafi mjekësor i ambulancës për të nxjerrë nga makina një çift bashkëshortësh që udhëtonin me mjetin që përfundoi në kanal.

Çifti i bashkëshortëve u dërgua me urgjencë në spitalin e Lushnjes, me lëndime të shumta. Nga të dhënat paraprake të bluve të qarkullimit dhe ekspertëve, shpejtësia e lartë dhe lagështia e madhe në rrugë për shkak të shiut me intensitet të lartë ka bërë që drejtuesi i mjetit të mos hyjë dot në rrethrrotullim, por të kapërcejë barrierat e të përfundojë në kanal.

Pritet ekspertiza e policisë e cila do të hedhë dritë mbi këtë aksident, ndërsa fatmirësisht nuk pati viktima.

Rrethrrotullimi i Kolonjës është një ndër pikat e zeza ku në të shkuarën ka pasur aksidente me fatalitete. 

Aksident në fshatin Aliko të Vlorës

Një aksident rrugor është raportuar mesditën e sotme në fshatin Aliko të Vlorës. Për pasojë kanë mbetur të dëmtuar një person i rritur dhe një fëmijë i mitur.

Sipas raportimit të A2 CNN, të dy të dëmtuarit janë jashtë rrezikut për jetën.

Të dëmtuarve iu është ofruar ndihmën e parë deri në marrjen e ndihmës së nevojshme mjekësore.