Aksident në Gjirokastër, një i mitur dërgohet në Spitalin e Traumës

Sipas policisë në aksin Gjirokastër-Kakavije, në vendin e quajtur “Ura e Çapos” , 45-vjeçari  duke drejtuar automjetin tip “Renault”, ka aksidentuar shtetasin e mitur S. P., 11 vjeç.

Njoftohet gjithashtu se gjendja e të miturit nuk ka qenë e mire dhe pasi ka marrë ndihëm në spitalin e Gjirokastrës, 11-vjeçari  është nisur drejt spitalit të Traumës në Tiranë.

Njoftimi i policisë:

Aksidentoi me mjet një këmbësor, arrestohet në flagrancë drejtuesi i mjetit.

Nga specialistët e Sektorit të Qarkullimit Rrugor u arrestua në flagrancë shtetasi S. S., 45 vjeç, banues në Sarandë, pasi në aksin rrugor Gjirokastër-Kakavije, në vendin e quajtur “Ura e Çapos” , ky shtetas duke drejtuar automjetin tip “Renault”, ka aksidentuar shtetasin e mitur S. P., 11 vjeç.

Shtetasi S. P. pasi ka marrë ndihmën mjekësore në spitalin Rajonal Gjirokastër, është transportuar për mjekim më të specializuar në spitalin e Traumës në Tiranë.

Materialet i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme.