Aksident në aksin Levan-Tepelenë, plagosen nënë e bijë
Një aksident rrugor është regjistruar mesditën e sotme në aksin Levan–Tepelenë, në vendin e njohur si kthesa e Poçemit.
Një automjet tip “Audi” ka dalë nga kontrolli dhe është përplasur me murin anësor të rrugës. Si pasojë e aksidentit, kanë mbetur të plagosura një grua dhe vajza e saj, të cilat udhëtonin në automjet.
Sipas të dhënave paraprake të policisë, dyshohet se drejtuesja e mjetit ka humbur kontrollin për shkak të lagështisë në rrugë.
