Aksident i rëndë tek TEG-u/ Autobusi i Petrelës përplaset me një makinë, 6 të plagosur

Mësohet se autobusi ka qene i linjes se Petreles.

Nderkohe policia ka shkuar ne vendin e ngjarjes dhe po punon per zbardhjen e rrethanave te aksidentit.

Aksidenti tek TEG-u/ Policia jep detaje: Makina u fut në kundërvajtje, u plagosën 5 persona

Pesë persona mbetën të plagosur si pasojë e një aksidenti në zonën e Saukut në Tiranë. Policia sqaron se në aksident u përfshi një autobus i linjës së Petrelës dhe një automjet tjetër.

Për pasojë mbetën të plagosur drejtuesi i mjetit dhe 4 pasagjerë, ku tre prej tyre pasi  morën trajtimin mjekësor u larguan nga spitali.

Nga verifikimet paraprake thotë policia rezulton se drejtuesi i mjetit, shtetasi I. A., ka hyrë kundravajtje duke i dalë para autobusit dhe ka shkaktuar aksidentin.

Tiranë/Informacion paraprak

Më datë 10.05.2023, në Sauk, janë përplasur autobusi me drejtues shtetasin B. H., me automjetin me drejtues shtetasin I. A.

Si pasojë janë dëmtuar shtetasi I. A., dhe një pasagjere në autobus, të cilët ndodhen në spital, nën kujdesin e mjekëve, ndërsa tre pasagjerë të tjerë, pas kontrollit mjekësor, janë larguar nga spitali.

Nga verifikimet paraprake rezulton se drejtuesi i mjetit, shtetasi I. A., ka hyrë kundravajtje duke i dalë para autobusit dhe ka shkaktuar aksidentin.

Po kryhen procedurat për ndalimin e shtetasit I. A.

Grupi hetimor po punon për sqarimin e rrethanave të aksidentit.

U godit nga një traget, peshkarexha u fundos në det! Si shpëtuan 3 personat që rrezikonin të mbyteshin

Tre persona që rrezikoheshin të mbyteshin janë shpëtuar nga policia kufitare e Durrësit. Mësohet se mjeti lundrues ku ata po udhëtonin u godit nga një traget.

Pas goditjes peshkarexha u fundos në det dhe policia kufitare ka arritur në kohë për të shpëtuar 3 personat në bord.

“Punonjësit e Policisë Kufitare kanë marrë në mjetin lundrues të Policisë, kapitenin, shtetasin S. A., 54 vjeç dhe pjesëtarët e bordit, shtetasit K. K., 30 vjeç dhe M. E., 50 vjeç, të cilët u transportuan menjëherë në Spitalin Rajonal Durrës, për ndihmë mjekësore dhe janë jashtë rrezikut për jetën”, njoftuan uniformat blu.

Ndërkohë, trageti i cili goditi peshkarexhën ka pezulluar lundrimin.

Njoftimi i policisë:

Policia Kufitare e portit të Durrësit shpëton 3 shtetas që lundronin me një peshkarexhë me konstrukt druri, dhe rrezikonin të mbyteshin, pasi peshkarexha iu fundos në det.

Rreth orës 00:05, QNOD ka njoftuar Policinë Kufitare të portit të Durrësit, se 3 shtetas që ndodheshin në një motopeshkarexhë, kërkonin ndihmë, pasi rrezikonin të mbyteshin në det. Menjëherë në ndihmë të tyre është nisur Policia Kufitare me mjetin lundrues, GDF-ja dhe roja bregdetare.

Mjeti lundrues i Policisë Kufitare të portit të Durrësit ka mbërritur në kohë dhe ka shpëtuar nga mbytja shtetasit që ndodheshin në ujë, pasi motopeshkarexha iu ishte fundosur në det.

Punonjësit e Policisë Kufitare kanë marrë në mjetin lundrues të Policisë, kapitenin, shtetasin S. A., 54 vjeç dhe pjesëtarët e bordit, shtetasit K. K., 30 vjeç dhe M. E., 50 vjeç, të cilët u transportuan menjëherë në Spitalin Rajonal Durrës, për ndihmë mjekësore dhe janë jashtë rrezikut për jetën.

Nga veprimet e para dyshohet se motopeshkarexha është goditur nga një traget, i cili ka pezulluar lundrimin.

Grupi hetimor në bashkëpunim me Prokurorinë, vijojnë veprimet për sqarimin e rrethanave të kësaj ngjarjeje.