Aksident i rëndë te ‘Pallati me Shigjeta’ në Tiranë, një automjet del nga rruga. Policia: Shoferi humbi kontrollin!
Aksident i rëndë te ‘Pallati me Shigjeta’ në Tiranë, një automjet del nga rruga. Policia: Shoferi humbi kontrollin!
Një aksident ka ndodhur mbrëmjen e kësaj të diele në Tiranë. Bëhet me dije se si pasojë e humbjes së kontrollit nga ana e drejtuesit një automjet ka dalë nga rruga në afërsi të Pallatit me shigjeta.
Fatmirësisht si pasojë e aksidentit ka pasur vetëm dëme materiale, ndërkohë që policia dhe grupi hetimor ndodhen në vendngjarje dhe po punojnë për sqarimin e rrethanave të ngjarjes.
Njoftimi i Policisë:
Tiranë/Informacion paraprak. Më datë 05.06.2022, në afërsi të vendit të quajtur “Pallati me shigjeta”, shtetasi E. C., duke drejtuar mjetin e tij, dyshohet se ka humbur kontrollin mbi drejtimin e mjetit dhe ka dalë nga rruga. Si pasojë ka vetëm dëme materiale. Grupi hetimor ndodhet në vendngjarje dhe po punon për sqarimin e rrethanave të ngjarjes.
Makina përplas kalimtarin në Vlorë dhe largohet, 42-vjeçari transportohet me urgjencë në spital!
Një kalimtar i moshës 42-vjeçare është përplasur nga një makinë në lagjen “Rilindja” të qytetit të Vlorës. I lënduari është transportuar me urgjencë në spitalin rajonal, ku dhe po merr kujdesin e nevojshëm mjekësor.
Policia dhe grupi hetimor ndodhen në vendngjarje dhe po punojnë për identifikimin e autorit dhe zbardhjen e rrethanave të aksidentit.
Vlorë/Informacion paraprak
Më datë 05.06.2022, rreth orës 18:28, në lagjen “11Janari”, Vlorë, një automjet i paidentifikuar ka aksidentuar këmbësorin shtetasin E. H., rreth 42 vjeç, banues në lagjen “Rilindja”, Vlorë, i cili ndodhet në spitalin Rajonal Vlorë, nën kujdesin e mjekëve. Grupi hetimor ndodhet në vendngjarje dhe po punon për identifikimin e autorit dhe zbardhjen e rrethanave të aksidentit.
