Aksident i rëndë në Këlcyrë, 5 persona të lënduar në spital, ja si paraqitet gjendja e tyre

Ngjarja ka ndodhur rreth orës 14:00 në afërsi të fshatit Kodër, kur fugoni me drejtues G.F., dhe automjet që drejtohej nga S.O., janë përplasur.

Si pasojë e aksidentit janë dëmtuar 5 persona, të cilët ndodhen në spital për të marrë trajtim mjekësor.

Uniformat blu raportojnë se të lënduarit ndodhen jashtë rrezikut për jetën.

Ndërkohë, grupi hetimor ndodhet në vendngjarje për të bërë sqarimin e plotë të rrethanave të aksidentit.

Njoftimi i policisë:

Këlcyrë/Informacion paraprak

Rreth orës 14:00, në aksin rrugor “Ura e Leklit-Këlcyrë”, në afërsi të fshatit Kodër janë përplasur mjeti tip furgon me drejtues shtetasin G. F., dhe automjeti me drejtues shtetasin S. O.

Si pasojë janë dëmtuar 5 persona, të cilët ndodhen në spital, për ndihmë mjekësore, jashtë rrezikut për jetën.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit

Aksidentoi për vdekje 55 vjeçarin i cili po udhëtonte me biçikletë, në pranga i riu 31 vjeç

Nga aksidenti i shënuar mbrëmjen e së hënës, me datë 29 korrik, kur u përplas një 55 vjeçar që po udhëtonte me biçikletë, Policia e Durrësit ka arrestuar autorin 31 vjeç.

Në pranga ka rënë i riu i identifikuar G.D., teksa ndërroi jetë 55 vjeçari Th.D.

Kujtojmë se ngjarja ndodhi një natë më parë rreth orës 23:30, në vendin e quajtur Sektor Rinia, ku 31 vjeçari aksidentoi qytetarin që po lëvizte me biçikletë.

Viktima ndërroi jetë në spital për shkak të plagëve të marra.

Çështja i ka kaluar Prokurorisë së Durrësit për veprime të mëtejshme.

Njoftimi i policisë:

Specialistët e Sektorit të Policisë Rrugore arrestuan në flagrancë shtetasin G. D., 31 vjeç, pasi dyshohet se rreth orës 23:30 të datës 29.07.2024, në Sektor Rina, duke drejtuar automjetin, ka aksidentuar shtetasin Th. D., 55 vjeç, që lëvizte me biçikletë, i cili si pasojë e plagëve të marra ka humbur jetën në spital.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.