Aksident i frikshëm në Lezhë, makina përplaset me murin rrethues dhe kthehet përmbys

Aksidenti ka ndodhur në rrugën dytësore Lezhë-Rrile. Automjeti që drejtohej nga një grua është përplasur me murin rrethues të një banesë dhe më pas është përmbysur.

Ndërkohë drejtuesja e mjetit ka marrë lëndime të lehta, ndërsa ndodhet jashtë rrezikut për jetën. Sakaq policia ndodhet në vendin e ngjarjes dhe po punon për zbardhjen e shkaqeve të aksidentit.

Aksident në Fier/ Përplasen dy motomjete, dëmtohen dy të rinjtë dhe pasagjeri 14-vjeçar

Një aksident ka ndodhur mbrëmjen e kësaj të hëne ne fshatin Adë të Fierit. Mësohet se një motomjet me drejtues një shtetas 17-vjeçar është përplasur me një tjetër motomjet me drejtues një 18-vjeçar.

Si pasojë janë dëmtuar 2 drejtuesit e motomjeteve dhe një pasagjer në njërin motomjet, 14 vjeç.

Ndërkohë, djemtë ndodhen në spital, në kujdesin e mjekëve.

Njoftimi i policisë:

Rreth orës 19:00, në fshatin Adë, Fier, motomjeti me drejtues një shtetas 17 vjeç është përplasur me motomjetin me drejtues shtetasin D. Z., 18 vjeç.

Si pasojë e përplasjes janë dëmtuar 2 drejtuesit e motomjeteve dhe një pasagjer në njërin motomjet, 14 vjeç, të cilët ndodhen në spital, në kujdesin e mjekëve.

Grupi hetimor po punon për përcaktimin e shkaqeve të aksidentit.