Zyrtare: 350 mjete të mbetura në Kakavijë, do të kalojnë sot

Lajmi është konfirmuar nga Ministrja e Mbrojtjes Olta Xhaçka, e cila përmes një publikimi në Facebook shkruan:

“Pas komunikimit me autoritetet greke dhe gatishmerisë së tyre për të dërguar ekipe mjekësore shtesë, pika e kalimit kufitar në Kakavijë do të qëndrojë e hapur përtej orarit të punës për të bërë të mundur përfundimin e procedurave për 1000 udhëtarët e fundit. Duke nisur nga nesër në mengjes, kalimi në Kakavijë do te kryhet përmes regjimit të ri të masave me kuotat e reja, aplikimin dhe testin negativ të Covid 19”.

Sipas policisë, janë rreth 350 mjete që presin në radhë dhe sipas përllogaritjeve nga autoritetet, përpunimi i të dhënave të tyre do të përfundojë për një afat 2 apo 3 orë.

Mësohet se vetë Zv.drejtori i Policisë së Janinës ka qenë i pranishëm në Kakavijë, ku duket se është dakordësuar për të kryer gjatë natës së sotme përpunimin e të gjitha mjeteve që janë në radhë.

Ndërkohë, duke nisur nga dita e hënë 17 Gusht, të gjithë shtetasit që do të hyjnë në Greqi duhet të kenë me vete rezultatin negativ të testimit për Covid dhe do t’i nënshtrohen një karantine 7 ditore, sapo të kthehen në Greqi.

Nga 17 gushti në pikën e Kakavijës do të hyjnë vetëm 750 shtetas, ndërsa në atë në Kapshticës do të kalojnë vetëm 300 qytetarë në ditë.

Propozimi i PD për të zgjidhur krizën në Kakavijë dhe Kapshticë

Duke filluar nga dita e nesërme, të gjithë qytetarët që do të kalojnë në një nga pikat kufitare me Greqinë duhet të kenë me vete testin e Covid të përkthyer në anglisht dhe me rezultat negativ.

Kjo masë e vendosur nga autoritetet greke mund të rëndojë edhe më shumë situatën e tensionuar tashmë në kufi ku prej 5 ditësh mijëra qytetarë janë bllokuar në radhë të gjata në pritje të kalimit në shtetin grek.

Ish-deputeti i PD, Tritan Shehu propozon në emër të PD që për të stabilizuar disi gjendjen në kufi Qeveria jonë duhet të organizojë në marreveshje me palen greke, testimin e vazhduar PCR, 24 orësh direkt në të katër pikat kufitare.

Ish-deputeti i PD-së, Tritan Shehu thekson se gjithashtu është i domosdoshëm edhe realizimi në nivel vendi minimalisht të 2500 testeve të tjera PCR ditore gratis, përveç disa mijëra serologjike.

Reagimi i plotë:

Rama i deshtuar, gjendja tragjike kufitare nuk zgjidhet me “arnime”!

Situata ne perkeqesim aty, qe ka si arsye keqmernaxhimin e pandemise prej tij duke na futur ne nje krize te rende shendetesore e izolim, te identifikuar si “Delja e zeze Covid” ne Europe, kerkon nje zgjidhje afatgjate e jo vetem per 24 ore!

Nje nga shkaqet kryesore te kesaj eshte numri i ulet afrikano Qendror i testimeve dhe bllokimi me dhune si talebanet i laboratoreve per shume muaj, duke krijuar nje dem te pallogaritshem ne nivelin shendetesor dhe izolimin e vendit, qe, tani, duhet kohe per t’u rikuperuar.

Sidoqofte se paku per te stabilizuar disi gjendjen ne kufirin me Greqine,  Qeveria jone duhet te organizoje me urgjence dhe ne marreveshje me palen greke:

Testimin e vazhduar PCR, 24 oresh direkt ne te kater pikat kufitare, duke aktivizuar te gjitha kapacitetet e mundshme laboratorike apo dhe te tjera te kontraktuara nga jashte, sic behet kudo ne bote.

Ky duhet te jete propozimi i pare i yni ndaj pales greke, e cila cdo dite po realizon per shqiptaret ne kufi me shume testime sesa shteti yne ben ne te gjithe vendin, pikerisht per te permiresuar gjendjen aktuale e per te filluar lehtesimin e regjimit te kalimit te qytetareve tane ne teresi jo vetem drejt Greqise, por me tej dhe vendeve te tjera.

Gjithashtu eshte i domosdoshem edhe realizimi ne nivel vendi minimalisht te 2500 testeve te tjera PCR ditore gratis, pervec disa mijera serologjike.

Rama nuk mund te fshehe pergjegjesite e tij. Gjendja nuk permiresohet duke u sjelle si nje “ufo” i sapoarritur ne Shqiperi, as si “struci”, apo vetem duke ju lutur pales greke ne keto momente shume te veshtira per sot dhe per neser.