Do pajiseni me leje drejtimi? Ndryshon testimi i praktikës

22 Korrik 2019 - Gazeta Shqiptare

Do pajiseni me leje drejtimi? Ndryshon testimi i praktikës

Pas ndryshimeve në testin teorik, të gjithë ata që duhet të pajisen me një leje drejtimi të kategorisë B, do të përballen me “surpriza”.

Drejtoria e Përgjithshme e Shërbimeve të Transportit Rrugor ka njoftuar se do të implementojë vjeshtën e tij viti një sistem monitorimi të testimit të praktikës për të marrë lejen e drejtimit për kategorinë B.

Në kuadrin e nismave të reja drejt inovacionit, projekti do të mundësojë monitorim 360 gradë me audio dhe figurë, livestreaming në kohë reale, gjurmim me GPS të vendndodhjes dhe trajektores së përshkuar nga kandidati, menaxhim dhe analizë të videove dhe video-kamera full HD All in One (NVR), si fjala e fundit e teknologjisë për modernizimin informatik të monitorimit, duke garantuar një proces transparent dhe objektiv për kandidatin dhe autoshkollat.

Gjatë muajit maj, Drejtoria e Përgjithshme e Shërbimeve të Transportit Rrugor do të njoftonte se testet teorike janë rishikuar në 45% të volumit. Janë hequr 1199 fjali ngatërrestare, po ashtu janë korrigjuar 1848 fjali me gabime.

 

Shiteni Makinën Tuaj