Aksident në aksin Shëngjin-Lezhë, plagosen katër persona, mes tyre dy fëmijë

Si pasojë e aksidentit kanë mbetur të lënduar katër persona, mes tyre edhe dy fëmijë. Të gjithë janë dërguar për të marrë ndihmë mjekësore dhe, sipas të dhënave paraprake, fatmirësisht ndodhen jashtë rrezikut për jetën.

Për shkak të gjendjes së tyre, të lënduarit janë nisur drejt Spitalit të Traumës në Tiranë për kontrolle dhe trajtim të mëtejshëm.

Policia ndodhet në vendngjarje dhe po punon për të përcaktuar shkaqet dhe rrethanat e aksidentit.

Aksident në rrugën pranë portit në Durrës, përplasen dy automjete

Një aksident rrugor është shënuar mesditën e kësaj të diele në rrugën pranë portit të Durrësit, ku dy automjete janë përplasur me njëri-tjetrin.

Nga përplasja, njëri prej automjeteve ka përfunduar mbi trotuar. Fatmirësisht, nga informacionet paraprake nuk raportohet për persona të lënduar, ndërsa të dyja automjetet kanë pësuar dëme të shumta materiale.

Policia ka mbërritur në vendngjarje dhe po punon për zbardhjen e plotë të rrethanave dhe shkaqeve të aksidentit.