Aksident në superstradën Lezhë Milot/ Përplasen tre makina, plagosen dy persona

Tre automjete u përfshinë në përplasje, nga e cila dy persona mbetën të plagosur dhe u transportuan menjëherë drejt spitalit të Lezhës për ndihmë mjekësore.

Sipas të dhënave paraprake, shkak i aksidentit dyshohet të jetë dalja e papritur e një automjeti tip “ Audi ” nga një rrugë dytësore në superstradë, duke u goditur nga një tjetër mjet që po lëvizte ne drejtim te Lezhes. Një automjet i tretë u përfshi në përplasje pasi ndodhej menjëherë pas makinës që goditi “Audin”.

Policia Rrugore mbërriti menjëherë në vendngjarje, duke kryer veprimet e para hetimore për zbardhjen e plotë të rrethanave. 

Aksident me vdekje në Durrës/ Përplasen dy makina, humb jetën një 26-vjeçar

Një aksident me pasojë vdekje e një personi ka ndodhur në Shijak mbrëmjen e 22 shtatorit.

Sipas informacioneve paraprake, mësohet se rreth orës 23:55, në segmentin rrugor “Katër Rrugët e Shijakut”, fshati Pjezë, automjeti tip Volkswagen me drejtues 19 vjeçarin Flavio Rexhepi, banues në Shijak, është përplasur me automjetin tip Ford me drejtues 26 vjeçarin Geraldo Krrashi, banues në Sukth, Durrës.

Për shkak të plagëve të marra, 26-vjeçari ka humbur jetën në vendngjarje.

Ndërsa i plagosuri është transportuar në spital për ndihmë mjekësore, nën mbikëqyrjen e shërbimeve të Policisë, pasi do të vijojnë veprimet procedurale për aksidentin e ndodhur.

Grupi hetimor vijon punën për zbardhjen e rrethanave dhe shkaqeve të aksidentit.