Aksident në aksin Fier-Lushnjë, përplasen dy automjete, 4 të plagosur

Si pasojë e përplasjes së fortë, katër persona kanë mbetur të plagosur dhe janë transportuar me urgjencë drejt Spitalit Rajonal të Fierit. Sipas informacioneve paraprake, gjendja e tyre shëndetësore paraqitet jashtë rrezikut për jetën.

Aksidenti ka shkaktuar bllokim të njërës prej korsive të qarkullimit, duke krijuar radhë të gjata automjetesh në këtë aks rrugor, i cili gjatë periudhës së verës përballet me fluks të lartë trafiku.

Në vendngjarje kanë mbërritur efektivët e policisë, të cilët po punojnë për zbardhjen e plotë të rrethanave dhe shkaqeve të aksidentit. Ndërkohë, vijojnë edhe punimet për normalizimin e qarkullimit.

Aksident me vdekje në Ksamil/ Humb jetën 22 vjeçari, plagoset drejtuesi i mjetit

Një aksident i rëndë automobilistik ka ndodhur pasditen e sotme në Ksamil, ku një 20-vjeçar ka humbur jetën, ndërsa drejtuesi i automjetit ka mbetur i plagosur.

Sipas njoftimit paraprak të Policisë, rreth orës 18:10, në rrugën e Plazhit, në zonën e Lagunës në Ksamil, një automjet tip “Benz” ka humbur kontrollin dhe ka dalë nga rruga.

Për pasojë, ka humbur jetën në vendngjarje pasagjeri i automjetit, shtetasi me iniciale A. M., rreth 20 vjeç.

Drejtuesi i automjetit, 22-vjeçari me iniciale Angjelo Gjika, është transportuar në spital për ndihmë mjekësore dhe, sipas informacionit paraprak, ndodhet jashtë rrezikut për jetën.

Sipas informacioneve të siguruara, 22-vjeçari që drejtonte automjetin është Angjelo Gjika.

Ndërkohë, grupi hetimor ndodhet në vendngjarje dhe po vijon punën për dokumentimin e plotë të rrethanave të aksidentit, si dhe për përcaktimin e shkakut të tij.

Aksident në Fier/ Makina merr para motorin, një i lënduar

Një aksident rrugor është regjistruar pasditen e sotme në lagjen “Sheq i Madh” në Fier. Sipas informacioneve paraprake, një motor është përplasur nga pas me një automjet.

Si pasojë e përplasjes, drejtuesi i motorit ka mbetur i lënduar.

Menjëherë në vendngjarje kanë mbërritur shërbimet e urgjencës, të cilat i kanë dhënë ndihmën e parë dhe e kanë transportuar të plagosurin në spital për ndihmë mjekësore.

Policia ndodhet në vendin e ngjarjes dhe po kryen veprimet procedurale për zbardhjen e rrethanave dhe shkaqeve të aksidentit.

Pamje nga aksidenti në Fushë Krujë, barriera mes përmes makinës. Një i plagosur

Një person ka mbetur i plagosur si pasojë e një aksidenti rrugor të ndodhur pranë nënkalimit të Fushë Krujës.

Sipas informacioneve paraprake, në vendngjarje kanë ndërhyrë forcat zjarrfikëse të Krujës, të cilat kanë përdorur mjete prerëse për të nxjerrë automjetin nga trafikndarësja.

I plagosuri është transportuar me urgjencë në spital, ku po merr ndihmën e nevojshme mjekësore.

Ndërkohë, në vendin e ngjarjes ndodhen shërbimet e Policisë dhe grupi hetimor, të cilët po punojnë për të zbardhur shkaqet dhe rrethanat e aksidentit.