Aksident i rëndë në rrugën Librazhd–Elbasan, makinat bëhen copash në Xibrakë, një i vdekur dhe 6 të plagosur! Dyshohet se viktima…

Një aksident i rëndë rrugor është regjistruar në aksin kombëtar Librazhd – Elbasan, në Xibrakë ku disa automjete janë përplasur mes tyre në rrethana ende të paqarta, me pasojë një i vdekur dhe 6 të plagosur deri tani.

Sipas informacioneve paraprake, në aksident janë përfshirë të fillimisht 2 automjete, ndërsa nga përplasja e fortë morën dëmtime edhe dy mjete të tjera.

Për pasojë kanë mbetur të plagosur gjashtë persona, të cilët janë transportuar me urgjencë drejt spitalit për të marrë ndihmën mjekësore.

Por më pas, një prej tyre, shtetas kinez, T.Z., 33 vjeç, mbeti viktimë e përplasjes së dhunshme të mjeteve. Gjithashtu mes të plagosurve është edhe një shtetase po e huaj. Policia raportoi për 4 të plagosur, teksa dy të tjerë morën lëndime të lehta sipas informacioneve.

“Rreth orës 14:50, në aksin rrugor Librazhd - Elbasan, automjeti me drejtues shtetasin kinez T. H., 33 vjeç, është përplasur me automjetin me drejtues shtetasin V. M., 26 vjeç. Si pasojë e aksidentit ka humbur jetën shtetasi kinez T. H., si dhe janë dëmtuar drejtuesi i automjetit tjetër, shtetasi V. M., si dhe 3 pasagjerë, të cilët janë transportuar në spital, për ndihmë mjekësore. Grupi hetimor punon për zbardhjen e rrethanave të aksidentit”, tha policia vendore.

Burime nga vendngjarja bëjnë me dije se pritet edhe një konfirmim zyrtar nga autoritetet.

Ndërkohë që aksidenti ka krijuar edhe bllokim të qarkullimit në rrugën kombëtare, duke krijuar trafik dhe radhë të gjatë mjetesh që shkoi në disa kilometra.

Në vendngjarje kanë shkuar edhe 3 autoambulanca, e 2 mjete të shërbimit zjarrfikës.

Forcat e policisë dhe grupet e emergjencës ndodhen në vendin e ngjarjes dhe po punojnë për zbardhjen e plotë të rrethanave të aksidentit, si dhe për normalizimin e qarkullimit në këtë segment rrugor.

Aksident i rëndë në Fushë-Dukat, barriera ndarëse depërton tejpërtej mjetit! Përfundon në spital 22-vjeçari

Një aksident i rëndë është regjistruar pasditen e kësaj të hëne në zonën e Fushë-Dukatit, ku një automjet është përplasur me ndarësen metalike të rrugës.

Si pasojë e përplasjes së fortë, struktura metalike ka depërtuar brenda mjetit, duke shkaktuar dëmtime të konsiderueshme.

Po ashtu i lënduar ka mbetur edhe drejtuesi i mjetit, 22-vjeçari Endri Cenodemaj, i cili është transportuar menjëherë drejt spitalit për ndihmë mjekësore.

Burime nga vendngjarja bëjnë me dije se i plagosuri ndodhet jashtë rrezikut për jetën, ndërsa mësohet se aksidenti ka ndodhur pasi i riu ka humbur kontrollin.

“Benz-i” i preu rrugën motorit, plagoset rëndë 65-vjeçari! Pamje nga vendngjarja

Një aksident rrugor është regjistruar mbrëmjen e sotme në qendër të Fier-Sheganit, ku një motoçikletë është përplasur me një automjet tip “Benz”.

Si pasojë e përplasjes, ka mbetur i plagosur rëndë drejtuesi i motoçikletës, një 65-vjeçar nga fshati Toshkëz. Ai është transportuar me urgjencë drejt Spitalit të Lushnjës, me autoambulancë, ku po merr ndihmën e nevojshme mjekësore.

Sipas të dhënave paraprake, dyshohet se automjeti tip “Benz” i ka prerë rrugën motoçikletës, duke sjellë përplasjen.

Mësohet se i plagosuri kishte vendosur maskë mbrojtëse, e cila dyshohet se ka ruajtur nga përplasja e fortë.

Policia e qarkullimit rrugor në vendngjarje dhe po merret me disiplinimin e trafikut, ndërsa pritet grupi hetimor për ekspertizë dhe për të dokumentuar ngjarjen.