Aksident në Librazhd, shoferi humb kontrollin e automjetit! Përmbyset makina

Sipas News24, mësohet se drejtuesi i mjetit, Shyqyri Hoxha nuk është lënduar.

Nga pamjet e siguruara, shihet që në vendngjarje ka mbërritur ambulanca.

Aksident i rëndë/ Kamionçina përplaset me një makinë, plagosen 4 persona

Katër persona kanë mbetur të plagosur si pasojë e një aksidenti që ka ndodhur në rrugën Peqin-Elbasan, në fshatin Papër.

Sipas policisë, të plagosur kanë mbetur dy drejtuesit e mjeteve si dhe dy pasagjerë, të cilët ndodhen nën kujdesin e mjekëve.

Ndërkohë grupi hetimor vijon punën për përcaktimin e rrethanave të aksidentit.

“Në orët e para të mëngjesit të sotëm, në aksin rrugor Peqin-Elbasan, në fshatin Papër, automjeti që drejtohej nga shtetasi O. S., 26 vjeç, është përplasur me kamionçinën që drejtohej nga shtetasi Sh. P., 58 vjeç.

Si pasojë e aksidentit janë dëmtuar dy drejtuesit e automjeteve, shtetasja B. P., pasagjere në automjetin me drejtues shtetasin Sh. P. dhe shtetasi A. S., pasagjer në automjetin me drejtues shtetasin O. S., të cilët ndodhen në kujdesin e mjekëve”, sqaron policia.

Aksident në aksin Kuçovë-Kozare, 33-vjeçari humb kontrollin e mjetit dhe përplaset me trafikndarësen, përmbyset makina

Një aksident është raportuar këtë të hënë në aksin Kuçovë-Kozare. Një automjet është përmbysur në mes të rrugës. Për pasojë ka mbetur i plagosur drejtuesi 33-vjeçari A.H i cili është transportuar në spital.

Dyshohet se mjeti ka ishte duke qarkulluar me shpejtësi dhe i riu më pas ka humbur kontrolli në një kthesë dhe për pasojë është përplasur me trafikndarësen.

Në automjetin e përmbysur, me targa AB 140 JU, udhëtonte vetëm drejtuesi i mjetit, 33-vjeçari A.H., banues në Kuçovë, që i ka shpëtuar mrekullisht aksidentit. Drejtuesi i mjetit ka pësuar lëndime dhe është transportuar për mjekim drejt Spitalit të Kuçovës, ndërkohë që makina ka pësuar dëme të mëdha materiale.

Shpejtësia por edhe mungesa e ndriçimit dhe sinjalistikës rrugore ka bërë që mjeti të dalë nga rruga dhe të përmbyset.