Vdiq sot në aksident teksa shkonte në punë, historia e trishtë e jetës së gazetarit Xhesjon Zogu! Humbi të atin 20 vite më parë, e ëma përballet me kancerin

Ngjarja e rëndë ndodhi pasi një automjet tip “Benz” dyshohet se ka kryer një parakalim të gabuar, duke u përplasur kokë më kohë me automjetin tip “Land Rover” që drejtohej nga gazetari Xhesjon Zogu.

Gazetari jetën rrugës për në sputal, ndërsa shoferi i automjetit tjetër ka mbetur i plagosur rëndë dhe ndodhet në spitalin e Traumës në Tiranë.

Humbja e 26-vjeçarit ka tronditur opinionin publik, ndërsa pas figurës së tij fshihej një histori e trishtë familjare. Xhesjon Zogu u rrit jetim, pasi babai i tij u vra 20 vite më parë. I riu jetonte vetëm me nënën e tij që vuan nga kanceri, ndërsa i vëllai është i arrestuar.

Pavarësisht këtyre sprovave të mëdha jetësore, Xhesjoni zgjodhi të ecte përpara dhe të ndiqte pasionin e tij për median, ku punoi me përkushtim në disa uebsajte dhe televizione në vend.

Automjeti përplaset me një motor në Shkodër, vdes 17-vjeçari, plagoset një tjetër

Një aksident i rëndë është shënuar mesditën e kësaj të mërkure në fshatin Golem të Shkodrës, ku një automjet është përplasur me një motor, dhe për pasojë ka ndërruar jetë një person dhe një tjetër është plagosur.

Policia bën me dije se automjeti që drejtohej nga një 50 vjeçar është përplasur me një motor në të cilin ndodheshin dy persona, 17 dhe 28 vjeç.

Viktimë ka mbetur 17-vjeçari ndërsa 28 vjeçari është plagosur dhe po merr mjekim në spitalin rajonal të Shkodrës. Drejtuesi i makinës është shoqëruar në polici.

Njoftimi i policise: 

Rreth orës 14:20, në fshatin Golem, automjeti me drejtues shtetasin A. M., 50 vjeç, dyshohet se është përplasur me një motomjet me të cilin qarkullonin 2 shtetas.

Si pasojë, njëri prej tyre, 17 vjeç, ka humbur jetën, ndërsa tjetri, shtetasi E. N., 28 vjeç, po merr mjekim në Spitalin Rajonal Shkodër.

Drejtuesi i automjetit është shoqëruar në ambientet e Policisë, për veprime të mëtejshme procedurale.

Grupi hetimor po kryen veprimet për përcaktimin e rrethanave dhe të shkaqeve të aksidentit.