Vdekja e turistes gjermane në Qafë-Thanë, Policia jep informacion zyrtar

Policia zyrtarisht konfirmon se traileri, i cili përplasi makinën me të cilën po lëvizte çifti gjerman drejtohej nga një shtetas serb. Ndërkohë, grupi hetimor ka nisur punën për zbardhejn e rrethanave të ngjarjes së rëndë.

Njoftimi i Policisë:

Rreth orës 17:30, në aksin rrugor “Qafë Thanë-Prrenjas”, kamioni që drejtohej nga shtetasi serb S. M., 50 vjeç, është përplasur me automjetin që drejtohej nga shtetasja gjermane U. S., 56 vjeçe. Si pasojë e përplasjes, ka humbur jetën në vendngjarje, shtetasja U. S. Gjithashtu, është dëmtuar dhe ndodhet në kujdesin e mjekëve, shtetasi P. K., 50 vjeç, (pasagjer në automjetin me drejtuese shtetasen U. S.)

Shërbimet e Policisë Rrugore të DVP Elbasan kanë shoqëruar në Komisariatin e Policisë, për veprime të mëtejshme procedurale, drejtuesin e kamionit, shtetasin S. M. Grupi hetimor, në bashkëpunim me Prokurorinë, po vijon veprimet në vendngjarje, me qëllim zbardhjen e rrethanave dhe shkakut të aksidentit.

Përplaset nga traileri, humb jetën turistja gjermane në Qafë-Thanë

QAFË-THANË- Një aksident rrugor me pasojë vdekjen e një shtetaseje të huaj ka ndodhur mesditën e kësaj të marte në Qafë-Thanë. Traileri ka rrëshqitur dhe ka goditur autoveturën që drejtohej nga një shtetase gjermane, e cila udhëtonte bashkë me bashkëshortin e saj.

Gruaja ka ndërruar jetë në vend ndërsa bashkëshorti ndodhet në spital, ku po merr kujdesin e duhur mjekësor. Policia ka mbërritur në vendin e ngjarjes dhe po heton shkaqet e këtij aksidenti. Ky është aksidenti i gjashtë për sot në aksin rrugor Pogradec-Prrenjas

EMRAT/ Aksident në Gramsh, tre të plagosur

GRAMSH- Një aksident rrugor është regjistruar para pak minutash në afërsi të fshatit Kacivel në Gramsh. Paraprakisht raportohet se dy automjete janë përplasur me njëra-tjetrën.

Ndërkohë nga aksidenti tre persona janë plagosur, ndërsa janë transportuar drejt spitalit të Gramshit. Të plagosurit janë Elton Kotorri, 42 vjeç, Sokol Berdellima, 35 vjeç si dhe Bedrane Menko, 48 vjeçe.

Policia dhe grupi hetimor po hetojnë për zbardhjen e shkaqeve të aksidentit.

Aksident i shumëfishtë në Librazhd, përplasen 5 makina dhe një kamion

Një aksident i shumëfishtë ka ndodhur mesditën e kësaj të marte në Librazhd.

Burimet për ABC News raportojnë se në aksident janë përfshirë pesë makina dhe një kamion. Si pasojë e aksidentit është bllokuar për momentin kalimi i automjeteve në rrugën Librazhd-Qafë Thanë.

Paraprakisht dyshohet se shkak i këtij aksidenti të jetë bërë prania e vajit që është derdhur në rrugë. Ndërkaq deri më tani nuk raportohet për të lënduar vetëm dëme materiale.

Ndërkohë policia e ndodhur në vendin e ngjarjes po punon për zbardhjen e plotë të saj.