U plagos në aksidentin e trefishtë Në Gjirokastër, 21 vjeçarja me dëmtime në kokë transportohet drejt spitalit të Traumës në Tiranë.

2 javë më parë - 12 Shtator 2022, Gazeta Shqiptare
U plagos në aksidentin e trefishtë Në Gjirokastër, 21 vjeçarja me dëmtime në kokë transportohet drejt spitalit të Traumës në Tiranë.
Sidorela Memushi, 21-vjeçarja e plagosur nga aksidenti i trefishtë në rrugën Tepelenë-Gjirokastër është transportuar me urgjencë drejt Tiranës për ndihmë mjekësore më të specializuar.

Burime pranë spitalit “Omer Nishani” në Gjirokastër, se vajza kishte skalpin e kokës të dëmtuar, plagë mbi sy me hematomë dhe dëmtime të këmbëve.

Bashkë me të mbeti i plagosur edhe shoferi i mjetit, 24-vjeçari Redon Xhanari. Gjendja e tij shëndetësore është në gjendje të qëndrueshme.

Të 3 automjetet po vinin drejt Gjirokastrës. Njërës prej tyre ia ka prerë rrugën një lopë. Nga frenimi i menjëhershëm i dy makinave të tjera të cilat ishin në distancë të afërt mësohet se ka ndodhur edhe përplasja me makinën e parë. Çuditërisht të plagosur kanë mbetur të rinjtë që udhëtonin me makinën e tretë, Redon Xhanari nga Gjirokastra dhe Sidorela Memushi nga Tepelena.

Aksident në aksin Tepelenë-Gjirokastër, dyshohet për të lënduar rëndë!

Aksident i rëndë në aksin nacional Gjirokastër-Tepelenë në vendin e quajtur Ura e Subashit afër kufirit administrativ mes Gjirokastrës dhe Tepelenës. Mësohet se ka të lënduar rëndë. Autoambulanca ka shkuar në vendngjarje.

Gjirokastër/Informacion paraprak

Rreth orës 19:40, në aksin nacional Gjirokastër-Tepelenë, në vendin e quajtur “Kthesa e Subashit”, janë përfshirë në aksident rrugor automjetet tip “Audi”, “Volkswagen” dhe “Ford”, automjeti tip “Ford” pas përplasjes ka dalë nga rruga.

Për pasojë kanë mbetur të dëmtuar drejtuesi i automjetit tip “Ford” dhe pasagjerja që ndodhej në këtë automjet, të cilët u transportuan për në spitalin Rajonal Gjirokastër për të marrë ndihmën mjekësore.

Në vendngjarje ndodhet grupi hetimor dhe po punon për zbardhjen e shkaqeve të aksidentit.

Support Ukraine