U përplas nga trajleri në një pikë grumbullimi mjetesh në Krujë, humb jetën 37-vjeçari

Ngjarja ka ndodhur në ambientet e një pike grumbullimi mjetesh në Krujë. Mësohet se B. L., duke drejtuar trajlerin, ka përplasur 37 vjeçarin J. B., i cili si pasojë e dëmtimeve të marra, ka ndërruar jetë.

Shoferi është shoqëruar në komisariat për veprime të mëtejshme procedurale.

Grupi hetimor po punon për sqarimin e rrethanave të ngjarjes.

La makinën ndezur në oborrin e shtëpisë, persona të paidentifikuar ia vjedhin dhe largohen me shpejtësi

Disa persona të paidentifikuar, ditën e djeshme, kanë vjedhur një mjet në oborrin e një shtëpie private në fshatin Sovjan të Maliqit. Sipas Policisë, bëhet fjalë për të njëjtët persona që kanë grabitur në një dyqan afër banesës, disa paketa cigare dhe sende ushqimore dhe me mjetin e vjedhur janë larguar me shpejtësi.

Sipas policisë lokale, pronari e kishte lënë automjetin e ndezur, çka ua ka lehtësuar "punën" për vjedhjen.

Ka qenë vet pronari ai i cili ka lajmëruar uniformat blu të cilët janë vënë menjëherë në lëvizje për gjetjen e autorit.