Tre orë bllokim rrugësh/ Blushi si Vojo Kushi, i hipën sipër autobotit të policisë. Mziu dhe Noka udhëheqin përplasjet

Por jo më shumë kohë, policia i largoi përmes gazit lotsjellës.

Për gati 3 orë të besuarit e Berishës dhe një grup militantësh bllokuan qarkullimin në 5 kryqëzime kryesore të Tiranës.

Nuk munguan përplasjet, Flamur Noka dhe Xhelal Mziu nxitën protestuesit të përplasen me policinë.

Pa u bërë ende një orë protestuesit “ranë në gjume”, duke liruar dy nga tre nyjet e bllokuara, pa asnjë rrezistencë.

Sërish ajo që u vu re ishte numri i ulët i protestuesve, por çuditërisht munguan gomat dhe flakët, ose ndoshta dikush duhet t’i kishte kujtuar.

Pati edhe qytetarë të cilët u ndjenë të lodhur nga kjo situatë e përsëritur. U desh ndërhyrja e policisë për të shmangur përplasjen mes një qytetari dhe një protestuesi.

Për bllokimin e rrugëve policia shoqëroi dhjetëra persona.

Edhe pse Noka tha se nuk i trembet policisë, sapo shkoi ora 20:00 bashkë më të besuarit e Berishës u nisen drejt selisë së PD-së, duke mbyllur kështu edhe protestën e radhës, por pa kuptuar qëllimin e saj.

Mbyllet protesta e opozitës/ Lirohen rrugët, nis qarkullimi në të gjitha akset

Ka nisur qarkullimi në të gjitha akset që u bllokuan për tre orë për shkak të protestës së opozitës.

Në rrugën e Elbasanit dhe te Pallati me Shigjeta qarkullimi u lirua në orën 20:00 me mbylljen e protestës, ndërsa në pikat e tjera, policia bëri të mundur shpërndarjen e protestuese më herët.

Për tre orë, deputetët e PD-së dhe Partisë së Lirisë protestuan duke bllokuar qarkullimin në pesë kryqëzime kryesore të kryeqytetit, së bashku me një grup militantësh, në vazhdën e mosbindjes civile.

Protesta u shoqërua me tensione dhe përplasje te bashkia, sheshi Wilson, Zog të Zi, rruga e Elbasanit si edhe te Pallati me Shigjeta.

Të bllokuar në trafik, drejtuesi i automjetit konfliktohet me protestuesin

Bllokimi i rrugëve nga protestuesit duket se ka sjellë zemëratë mes qytetarëve të bllokuar në makinat e tyre në trafik.

Krahas përplasjeve të shënuara mes protestuesve dhe policisë, përplasja ka patur edhe me qytetarë të tjerë të mbetur të bllokuar, sic shihet edhe në video.