Transporti, probleme me Task-Forcën. Shoqata: Po gjobitemi për stacionet e ndërmjetme

4 vjet, 11 muaj më parë - 15 Prill 2019, Gazeta Shqiptare
Illustration
Illustration
Task-Forca e transportit po na gjobit për shkak të ndalesave në stacione të ndërmjetme të linjave interurbane, të cilat de facto funksionojnë prej vitesh, por mungon një udhëzim i ministrit për përcaktimin ligjor të tyre”.

Deklarata vjen nga përfaqësuesit e Shoqatës Kombëtare të Transportit Ndërqytetës së Udhëtarëve, të cilët kërkojnë përcaktimin në licencë të këtyre stacioneve, duke u kursyer kohë dhe para udhëtarëve si dhe do të shmangte penalizimet për ta, që variojnë nga 25-100 mijë lekë e deri në heqje licence.

Sipas përfaqësuesve të shoqatës, puna e Task-Forcës duhet të fokusohet fillimisht te transporti i paligjshëm i udhëtarëve. Pak kohë më parë, ministrja e Infrastrukturës dhe Energjisë, Belinda Balluku, njoftoi ngritjen e një grupi pune për rishikimin e të gjitha problematikave që ka transporti ndërqytetës i udhëtarëve, ndërkohë që Shoqata Kombëtare kërkon që të bëhet pjesë e diskutimeve, si përfaqësuese e linjave në të gjithë vendin.

Support Ukraine