Toyota-t me 3.4 mln euro, prokuroria dërgon letërporosi në 3 shtete. Kërkon…

10 Korrik 2018 - gsh.al

Toyota-t me 3.4 mln euro, prokuroria dërgon letërporosi në 3 shtete. Kërkon…

Kur kanë kaluar vetëm pak kohë nga gjetja e 3.4 milionë eurove në dy mjete Toyota Yaris që po futeshin në Shqipëri, Prokuroria e Krimeve të Rënda ka dërguar letërporosi në 3 shtete në lidhje me të arrestuarit.

Kështu bëhet e ditur se letërporosia është dërguar në Gjermani, Belgjikë dhe Angli, nga ku pritet të merret informacion i detajuar, në lidhje me aktivitetin e katër shtetasve që mbahen të arrestuar në lidhje me këtë çështje.

Po të njëjtat burime kanë bërë të ditur se letërporosia në Angli është dërguar për Edi Likën. Kjo pasi dyshohet se ka të dhëna se është marrë me trafik kokaine.

Dyshohet se paratë e gjetura në Toyota Yaris  burojnë nga trafikimi i lëndëve narkotike dhe po futeshin në të zezë në Shqipëri. Veç të arrestuarve, në kërkim janë shpallur edhe dy shtetas të tjerë, që mund të jenë pronarët e vërtetë të parave.

Ndërkohë që në seancën e fundit prokuroria kërkoi "arrest me burg" për të gjithë të arrestuarit. Gjykata e Durrësit vendosi të lërë pas hekurave të pandehurit dhe shpalli moskompetencë, duke e kaluar çështjen te Krimet e Rënda.

Shiteni Makinën Tuaj