Tjetër aksident me pasoja tragjike të dyfishta në Durrës, humbin jetën 2 persona me motor

Orët e vona të mbrëmjeve po rezultojnë fatale dit pas dite në Durrës, për drejtues mjetesh, pasagjerë, biçiklistë, këmbësore dhe madje edhe drejtues të motomjeteve. Pikërisht me një të tillë është shënuar edhe aksidenti i radhës tragjik.

Sipas të dhënave paraprake të policisë dy personat me motor dyshohet se po kryenin disa manovra në rrugë c’ka kanë sjellë humbjen e kontrollit mbi motorin dhe përplasjen fatale.

Në harkun kohor të 8 ditëve, aksidenti i mesnatës së të hënës e ka çuar në 8 numrin e viktimave në Durrës nga aksidente rrugore ndërsa dy të tjerë kanë mbetur të plagosur.

Aksidenti me dy viktima në Golem, banorët: Po bënin manovra me motor dhe humbën kontrollin

Detaje të reja janë zbuluar nga aksidenti me pasojë vdekjen e dy të rinjve në Golem.

Sipas banorëve të zonës, të rinjtë kanë qënë duke bërë manovra në mes të rrugës, duke ngritur gomat e motorrrit dhe më pas kanë humbur komtrollin.

Nga dëshmitë e banorëve për A2CNN, ata janë përplasur në shtyllë dhe më pas në hyrjen e një pallati.

Nga aksidenti humbën jetën drejtuesi i motomjetit, Elton Luzati, dhe pasagjeri. Ky i fundit nuk është identifikuar ende.

Ai shkuar në spitalin e Durrësit me shenja jete, por nuk ka mundur t’u mbijetojë plagëve të marra. 

Aksident me vdekje në Golem, humb jetën drejtuesi dhe pasagjeri

Një aksident  me pasojë vdekjeje është regjistruar në mesnatë në Golem. Policia njofton se një motomjet me dy persona është përplasur me një bordurë. Për pasojë kanë humbur jetën drejtuesi i motomjetit Elton Luzati dhe pasagjeri. Ky i fundit nuk është identifikuar ende. A2 CNN mëson se ai shkuar në spitalin e Durrësit me shenja jete, por nuk ka mundur t’u mbijetojë plagëve të marra.

Golem/Informacion paraprak

Rreth orës 00:20, të datës 25.08.2026, në Golem, një motomjet me dy persona është përplasur me një bordurë.

Si pasojë e aksidentit, kanë humbur jetën drejtuesi i motomjetit, shtetasi E. L., 44 vjeç, si dhe pasagjeri, ende i paidentifikuar.

Grupi hetimor ndodhet në vendngjarje dhe po punon për dokumentimin dhe sqarimin e plotë të rrethanave të aksidentit, si dhe për identifikimin e shtetasit tjetër.

Durrës/ Identifikohet edhe viktima e dytë e aksidentit tragjik në Golem

Është identifikuar edhe personi i dytë që humbi jetën në aksidentin tragjik të ndodhur gjatë natës në zonën e Golemit, ku një motor u përplas në rrugë.

Sipas policisë, viktima është shtetasi O.T., 42 vjeç, banues në Mirditë. Ai ishte duke udhëtuar me motorin së bashku me personin tjetër, i cili gjithashtu humbi jetën si pasojë e përplasjes.

Aksidenti ndodhi në orët e vona të natës, ndërsa nga të dhënat paraprake dyshohet se dy personat po kryenin manovra me motorin, duke humbur më pas kontrollin dhe duke u përplasur.