Tjetër aksident i rëndë në Lezhë – Laç/ ‘Benzi’ humb kontrollin dhe përplaset me barrierat anësore, plagosen burrë e grua

Një tjetër aksident është regjistruar ditën e sotme në aksin rrugor Lezhë – Laç, pranë Urës së Milotit, ku në tentativë për të parakaluar, një automjet tip ‘Mercedes Benz’ ka humbur kontrollin e për pasojë është përplasur me barrierat mbrojtëse të rrugës.

Si pasojë e këtij aksidenti, dëmtimet e automjetit kanë qenë të konsiderueshme, ndërsa njoftohemi se kanë mbetur të plagosur dy persona, burrë e grua, të cilët janë dërguar në spital dhe ndodhen jashtë rrezikut për jetën.

Policia ka shkuar në vendin e ngjarjes për nisjen e hetimeve për zbardhjen e plotë të shkaqeve të këtij aksidenti.