Tërmeti shkatërron pallate e rrugë, shembet ura e Shkozetit

4 vjet, 4 muaj më parë - 27 Nëntor 2019, Gazeta Shqiptare
Tërmeti shkatërron pallate e rrugë, shembet ura e Shkozetit
Tërmeti ka sjellë dëme të mëdha kryesisht në zonën e Durrësit, ku ishte dhe zona më afër epiqendrës.

Krahas shtëpive dhe pallateve të shembura, bëhet me dije se është shembur edhe ura e Shkozet, duke paralizuar kështu lëvizjen në këtë zonë. Nga ana tjetër Ministria e Shëndetësisë informon për personat e lënduar për shkak të lëkundjeve të forta të tërmetit që tronditën sot vendin.

Janë 325 persona të lënduar në total që kanë marrë mjekim në spitalet e Durrësit dhe Tiranës. Deri tani tek Spitali i Traumës 135 të lënduar kanë marrë trajtim. Në Spitalin e Durrësit janë 130 të lënduar. Në QSUT, 60 raste. Qendra e koordinimit të urgjencës ka pritur 392 thirrje janë realizuar 91 misione në spitale. Ministrja e Shëndetësisë Manastirliu po ndjek nga afër situatën në qendrën kombëtare të urgjencës mjekësore.

Support Ukraine