Situatë alarmante në Shëngjin, evakuohen banorët dhe pushuesit! Trafik kilometrik në autostradë për t’u shpëtuar flakëve

Ky evakuim ka sjellë dhe trafik të rënduar, duke bërë që vargu i automjeteve të jetë kilometrik në autostradë.

Ndërkohë siç u raportua e më herët nga Ministria e Mbrojtjes, zjarri nuk është izoluar por përkundrazi është përhapur më tej për shkak të temperaturave të larta dhe erës së fortë, pavarësisht angazhimit maksimal në nivel kombëtar.

Përveçse forcave të shumta, në ndihmë ka ardhur dhe një helikopter Cougar, por nuk u arrit shuarja e flakëve.

Kujtojmë se ditën e djeshme operuan 20 mjete zjarrfikëse gjatë gjithë natës me 60 forca zjarrfikëse. Ndërsa sot veç helikopterit Cougar po punojnë edhe 40 mjete zjarrfikëse dhe 150 forca operacionale.

Pas kërkesës drejtuar Mekanzimit Evropian të Mbrojtjes Civile pritet të mbërrijnë shumë shpejt dy avionë Canadair për ndërhyrje nga ajri. Situata vijon të mbetet problematike pavarësisht gjithë angazhimit në nivel kombëtar.

“Situata është problematike, janë evakuuar banorët”- Ministria e Mbrojtjes për zjarrin në Shëngjin: Pritet të mbërrijnë dy avionë Canadair për ndërhyrje nga ajri

Ministria e Mbrojtjes ka reaguar për situatën kaotike në Shëngjin, e cila është kthyer tashmë në një “hapësirë portokalli” për shkak të zjarreve masive.

Përmes një postimi në Facebook, ministria e Mbrojtjes tregon se ditën e sotme po punojnë 40 mjete zjarrfikëse, 50 forca operacionale dhe 1 helikopter Cougar.

Po kështu njoftohet se zona është në pritje të dy avionëve tip Canadair për të ndihmua forcat për shuarjen e flakëve.

Ministria e Mbrojtjes shprehet se situata është tepër problematike, teksa banorët, pushuesit e bizneset përreth janë evakuuar për të shmangur rrezikshmërinë e jetës së tyre.

Postimi i Ministrisë së Mbrojtjes

Situata e zjarrit në fshatin Mal Shëngjin, bashkia Lezhë

avarësisht punës së pandërprerë të forcave opreaionale në terren, nën koordinimin e Agjencisë së Mbrojtjes Civile, situata në vatrën e zjarrit në fshatin Mal Shëngjin është problematike.
Përveç forcave zjarrfikëse të pushtetit vendor është angazhuar për shuarjen e flakëve edhe helikopteri Cougar, por si pasojë e erës së fortë zjarri është përhapur, duke rrezikuar edhe zonat e bauara dhe bizneset në zonë. U morën masat në kohë për evakuimin e tyre, duke bërë të mundur shmangien e rrezikut.
Ditën e djeshme operuan 20 mjete zjarrfikëse gjatë gjithë natës me 60 forca zjarrfikëse. Ndërsa sot veç helikopterit Cougar po punojnë edhe 40 mjete zjarrfikëse dhe 150 forca operacionale.
Pas kërkesës drejtuar Mekanzimit Evropian të Mbrojtjes Civile pritet të mbërrijnë shumë shpejt dy avionë Canadair për ndërhyrje nga ajri. Situata vijon të mbetet problematike pavarësisht gjithë angazhimit në nivel kombëtar.
U bëjmë thirrje banorëve të bashkëpunojnë me forcat e policisë dhe zjarrfikësit në rast nevojë për evakuim. Mirënjohje partnerëve tanë të Mekanizmit Evropian të Mbrojtjes Civile për ndihmën e dhënë! Puna po vijon edhe në disa vatra të tjera ë vijojnë të jenë aktive në qarqet Korçë, Shkodër, Gjirokastër, Elbasan.

“Një luftë e vërtetë!” -Shuhet zjarri në Shëngjin, AMC-ja: Angazhim maksimal nga qytetet e tjera dhe Mekanizmi Evropian i Mbrojtjes Civile

Agjencia e Mbrojtjes Civile ka lajmëruar se është shuar plotësisht zjarri në Shëngjin, teksa e cilëson operacionin si një “luftë të vërtetë” me fenomenin natyror më të vështirë.

Përmes një njoftimi zyrtar, AMC shpreh vlerësimet e saj për çdo qytet që ka ndihmuar me forca zjarrfikëse, uniformat blu dhe bluzët e bardha për menaxhimin e situatës në vendin bregdetar, i cili prej më shumë se 4 ditë.

Po kështu është bërë listimi i ndihmave nga rrethet si:

• 308 efektivë nga Forcat e Armatosura me 30 mjete
• 3 autoambulanca
• 1 autobot uji
• 1 helikopter Cougar
• 3 automjete zjarrfikëse nga Lezha
• 2 automjet zjarrfikës nga Mirdita
• 3 automjete zjarrfikëse nga Kamza
• 4 automjete zjarrfikëse nga Tirana
• 1 automjet zjarrfikës nga Mati
• 1 automjet zjarrfikës nga Berati
• 1 automjet zjarrfikës nga Fieri
• 1 automjet zjarrfikës nga Lushnja
• 1 automjet autobot nga Shkodra
• 1 automjet zjarrfikës nga Vau i Dejës
• 1 automjet zjarrfikës nga Kukësi
• 1 automjet zjarrfikës nga Porti Shëngjin
• 1 automjet zjarrfikës nga Porti Durrës
• Dhjetëra forca policore dhe urgjenca mjekësore
• Dy avionë Canadair nga qeveria italiane

Njoftimi i Agjencisë së Mbrojtjes Civile:

Shuhet zjarri në Shëngjin

Prej më shumë se katër ditësh, nën koordinimin e Ministrisë së Mbrojtjes dhe Agjencisë Kombëtare të Mbrojtjes Civile, është bërë një luftë e vërtetë dhe e pandërprerë me një nga fenomenet natyrore më të vështira, siç është zjarri masiv në pyje dhe kullota, në kodrat e qytetit të Shëngjinit, bashkia Lezhë.

Angazhim maksimal: mbi 308 efektivë nga FA me 30 mjete, 3 autoambulanca, 1 autobot uji, 1 helikopter Cougar, 3 automjete zjarrfikëse të bashkisë Lezhë; 1 automjet zjarrfikëse nga bashkia Mirditë, 3 automjete zjarrfikëse nga Kamza, 4 automjete zjarrfikëse nga Tirana, 1  automjet zjarrfikëse nga Mati, 1 automjet zjarrfikëse nga Berati, 1 automjet  zjarrfikëse nga Fieri, 1 automjet zjarrfikëse nga Lushnja, 1 automjet autobot nga Shkodra, 1 automjet zjarrfikëse nga Vau Dejës, 1 automjet zjarrfikëse nga Kukësi, 1 automjet zjarrfikëse nga Porti Shëngjin, 1 automjet zjarrfikëse nga Porti Durrës, dhjetra forca Policore dhe Urgjenca Mjekësore.

Angazhim dhe koordinim me Mekanizmin Evropian të Mbrojtjes Civile (UCPM) me dy avionë Canadair të qeverisë italiane.

Vlerësim, mirënjohje dhe falënderim për çdo punonjës, personel dhe vullnetar që ka marrë pjesë në këtë operacion, falë punës së të cilëve u shpëtuan jetë njerëzish, qendra të banuara dhe ekonomi!