Siguria në plazhe,Balla: Pres më shumë rezultate në kontrollin e përdorimit të jet ski-ve

10 muaj, 2 javë më parë - 21 Gusht 2023, opinion
Siguria në plazhe,Balla: Pres më shumë rezultate në kontrollin e përdorimit të jet ski-ve
Siguria në plazhe, policia bllokon 21 mjete lundruese

Siguria në plazhe,Balla: Pres më shumë rezultate në kontrollin e përdorimit të jet ski-ve

Ministri i Brendshëm, Taulant Balla, në një status në rrjetet sociale është ndalur te përdorimi i jetskive duke thënë se Policia e Shteti ka kontrolluar dhe bllokuar numrin më të lartë të mjeteve lundruese abuzuese dhe shkelëse.

Ky trend i kudo përhapur në Europë dhe nëpër botë, përtej adrenalinës së përdoruesve, për shumicën e madhe të pushuesve duket dhe si një pirateri që potencialisht mund të shkaktojë aksidente që marrin jetë njerëzish të pafajshëm”, shkruan Balla.

Sipas Ballës, kush shkel ligjin dhe rregulloret e përdorimit në këtë rast, kriteret moshore të përdoruesve, nuk është një aventurier në kërkim të adrenalinës, nuk është asnjë sipërmarrës turistik, por një rrezik potencial që mund të marrë jetë.

Në kohën e ndryshimeve në Kodin Penal dhë në Kodin Detar, na duhen ashpërsime në politikën penale dhe rregulla më kufizuese përdorimi në këtë drejtim. Por edhe me kompetencat aktuale që më jep Ligji, paralajmëroj këdo që kërcënon me mendjelehtësinë e tyre vrastare, jetën e pushuesve në bregdetin shqiptar, se Policia e Shtetit do të godasë me tolerancë zero”, thekson Balla.

Gjatë këtij sezoni turistik, deri më tani, shërbimet e Policisë Kufitare, Njësia Policore Detare dhe Forca Delta kanë kontrolluar 1597 mjete lundruese, nga të cilat 504 janë bllokuar e ndëshkuar me masa administrative për lundrim në zonë të ndaluar, ushtrim i aktivitetit të turizmit detar në kundërshtim me ligjin, tejkalim i numrit të pasagjerëve të lejuar në bord, mosregjistrim i mjetit lundrues brenda afatit të përcaktuar dhe mungesë dokumentacioni përdorimi.

Janë organizuar 67 operacione policore për dhënie ndihme ndaj 204 turitëve të huaj dhe vendas, mjetet e të cilëve kanë shfaqur avari deri në rrezikimin e jetës së pasagjerëve.

Siguria në plazhe, policia bllokon 21 mjete lundruese

Përgjatë gjithë vijës bregdetare, hapësirave liqenore dhe atyre lumore, Njësia Policore Detare dhe Policia Kufitare vijojnë verifikimet ndaj mjeteve lundruese, me qëllimin e vetëm parandalimin e incidenteve me pasoja për jetën dhe shëndetin e pushuesve.

Në një njoftim për mediat bëhet e ditur se nga Ksamili në Koman, Policia Kufitare ka bllokuar 21 mjete lundruese.

Mjetet e bllokuaraj anë:  11 Jet Ski, 4 gomone, 4 skafe dhe 2 varka.

Krahas bllokimit të mjeteve lundruese, drejtuesit e tyre u ndëshkuan me gjoba që variojnë nga 10 000 deri në 100 000 lekë.

Konkretisht, në Tale, Shëngjin, Velipojë, Durrës, Dhërmi, Radhimë dhe Sarandë janë bllokuar 11 mjete lundruese Jet Ski. Njëri nga drejtuesit u ndëshkua me masën administrative 100 000 lekë, për lundrim në zonë të ndaluar, konkretisht në trajektoren e lëvizjes së trageteve të linjës Sarandë-Korfuz; 8 drejtues u ndëshkuan secili me masën administrative 10 000 lekë, për mungesë të dokumentacionit në bord, ndërsa 2 drejtues u ndëshkuan me masën administrative 20 000 lekë, për mosregjistrim të mjetit lundrues brenda afatit të përcaktuar me ligj.

Në Koman, Dhërmi, Orikum, Vlorë, Ksamil dhe Sarandë janë bllokuar 4 mjete lundruese gomone, 4 mjete lundruese skafe dhe 1 varkë. Secili nga drejtuesit u ndëshkua me gjobë 10 000 lekë, për mungesë të dokumentacionit në bord.

Në Sarandë u bllokua një varkë plastike. Drejtuesi i saj u ndëshkua me gjobë 100 000 lekë dhe 20 000 lekë, për lundrim në zonë të ndaluar dhe për tejkalim të numrit të pasagjerëve të lejuar në bord.

Support Ukraine