Nën diellin përvëlues të këtij maji, duke u përpjekur t’i ruheshin virusit teksa mbanin në fytyrë maska, punonjësit e Policisë së Shtetit kanë qenë tepër të kujdesshëm për çdo mjet që hynte në kryeqytet.
Nga Durrësi në Tiranë, pikërisht në mbikalimin në hyrje të autostradës, një post-bllok policie, udhëzonte çdo qytetar të devijonte rrugën e zakonshme, për të ndjekur një trajektore tjetër, pa dhënë shpjegime përse duhej të ndodhte kjo.
Ndërkohë, në hyrje të Tiranës, pranë rrethrrotullimit te doganës, gjendej një tjetër postbllok, që i lejonte mjetet të kalonin në rresht për një, duke kontrolluar secilin prej tyre në dokumentacion.
