Automjeti ka qenë në ecje në kohën kur kanë nisur flakët.
Fatmirësisht shoferi dhe pasagjerët kanë mundur të dalin në kohë nga makina, e cila është shkrumbuar totalisht.
Nga informacionet paraprake, ende nuk bëhen me dije shkaqet e djegies së makinës, ndërsa policia dhe zjarrfikësja ndodhen në vendin e ngjarjes.
Kaos në Fushë-Milot, bllokohen mijëra makina në trafik
Këtë të diel janë regjistruar radhë të gjata automjetesh në Fushë-Milot.
CNA ka mësuar se trafiku është shumë i rënduar për shkak lëvizjes drejt bregdetit.
Dyndja e shqiptarëve të Kosovës drejt plazheve të Tales dhe Shëngjinit kanë rënduar edhe më tepër trafikun, duke krijuar kaos.
Nga Fushë-Miloti, trafiku i rënduar ka çuar më shumë se një orë destinacionin drejt Lezhës.
Policia po përpiqet të menaxhojë trafikun e rënduar dhe po mundohet t'i drejtojë mjetet në rrugën e vjetër, e cila është funksionale.
Situata kaotike me trafikun pritet të përsëritet dhe në orët e pasdites në aksin Fushë Milot - Lezhë pas largimit të pushuesve
Aksident në Pogradec/ Plagoset një person
Një aksident është regjistruar mëngjesin e kësaj të diele, në aksin rrugor Korçë-Pogradec, në fshatin Çërravë.
Automjeti tip "Mitsubishi" me drejtues shtetasin R. F., 61 vjeç, banues në Çërravë, është përplasur me automjetin e Policisë Rrugore, tip "Volkswagen", me drejtues punonjësin e policisë në detyrë, shtetasin M. K.
Si pasojë e aksidentit është dëmtuar punonjësi i policisë, i cili ndodhet për mjekim në spital.
Me shoferin e “Mitsubishit”, po kryhen veprimet e mëtejshme procedurale.
Ndërkohë, grupi hetimor po punon për sqarimin e rrethanave dhe përcaktimin e shkakut të aksidentit.
Dy aksidente të tjera në pak minuta në Pogradec
Dy aksidente të tjera janë regjistruar brenda pak minutash në qytetin e Pogradecit.
Në aksidentin e parë, një mjet ka goditur një këmbësore në vijat e bardha, duke e lënë të lënduar. Mësohet se këmbësorja u dërgua në spitalin e Pogradecit për ndihmë mjekësore.
Në aksidentin e dytë, mësohet se një mjet tip furgon ka përplasur një biçikletë, ku ka lënë të plagosur drejtuesin e saj. Edhe ky person u dërgua në spital ku po merr ndihmën mjekësore.
Bluzat e bardha bëjnë me dije se të dy të plagosurit janë jashtë rrezikut për jetën. Policia ndodhet në vendngjarje për zbardhjen e rrethanave të të dyja aksidenteve në qytet.
Aksident në Memaliaj/ Automjeti i tonazhit të rëndë zë poshtë qytetarin
Një aksident është regjistruar rreth orës 10:30 të kësaj të diele në fshatin Qesarat të Memaliajt.
Një automjet i tonazhit të rëndë, automjet shpimi për nxjerrjen e ujit është përmbysur aksidentalisht në një rrugë dytësore të hapur rishtazi.
Automjeti që drejtohej nga shtetasi L. N., rreth 50 vjeç, ka zënë poshtë shtetasin L. N., i cili për pasojë ka humbur jetën.
Grupi hetimor po punon për sqarimin e rrethanave dhe përcaktimin e shkakut të aksidentit.
Aksident në Maliq/ Përplasen dy makina
Një tjetër aksident është regjistruar në juglindje.
Mësohet se dy mjete janë përplasur me njëra-tjetrën në afërsi të fshatit Çaushli, në Maliq.
Nga informacionet paraprake, fatmirësisht nuk ka të lënduar nga përplasja, por dëmet materiale janë të shumta.
Siç shihet edhe në pamje, njëri nga mjetet ka dalë jashtë rruge duke u përplasur me shtyllën e energjisë elektrike.
Policia është në vendngjarje për zbardhjen e rrethanave.
Kujtojmë se ky është aksidenti i katërt i regjistruar këtë të diel në Qarkun e Korçës, pas 3 aksidenteve të Pogradecit.
