Shkaktoi aksident me tre të plagosur, arrestohet 18-vjeçari në Lezhë/ Arrestohen edhe dy të tjerë për dhunë e drogë

2 vjet, 5 muaj më parë - 11 Tetor 2021, Gazeta Shqiptare
Shkaktoi aksident me tre të plagosur, arrestohet 18-vjeçari në Lezhë/ Arrestohen edhe dy të tjerë për dhunë e drogë
Policia e Lezhës ka arrestuar tre persona, pasi akuzohen për vepra të ndryshme penale.

Mes të arrestuarve është edhe një 18-vjeçar, i cili duke drejtuar automjetin tip “Audi , ka humbur kontrollin duke goditur automjetin tip “Fiat” , ku për pasojë kanë marrë dëmtime shtetasit P.P., dhe L.P. dhe T.M.

Njoftimi i policisë:

Specialistët për Hetimin e Narkotikëve dhe Trafiqeve të Paligjshme, në vijim të punës për parandalimin, evidentimin dhe goditjen e paligjshmërisë në fushën e narkotikëve, arrestuan në flagrancë shtetasin M.Gj., 20 vjeç, banues në Kurbin.

Arrestimi i tij u bë pasi në vendin e quajtur “Kryqëzimi i Shëngjinit “, Shëngjin, forca e posaçme “Shqiponja” gjatë kontrollit të ushtruar në automjetin në të cilin ky shtetas ishte pasagjer, në çantën e tij ka gjetur dhe sekuestruar në cilësinë e provës materiale doza me lëndë narkotike të dyshuar kanabis sativa.

Specialistët e Hetimit të Krimeve në Komisariatin e Policisë Kurbin arrestuan në flagrancë shtetasin M.P., 41 vjeç, banues Fushë Mamurras, Kurbin pasi në banesë, ka ushtruar dhunë fizike ndaj bashkëshortes së tij, shtetases L.P.

Nga specialistët e Qarkullimit Rrugor u bë arrestimi në flagrancë i shtetasit F.M., 18 vjeç, banues në Mirditë, pasi në hyrje të Rrëshenit duke drejtuar automjetin tip “Audi” , ka humbur kontrollin duke goditur automjetin tip “Fiat” , ku për pasojë kanë marrë dëmtime shtetasit P.P., dhe L.P. dhe T.M.

Support Ukraine