Sherr për një vend parkimi, të shtëna me armë zjarri në Kukës

Ngjarja dyshohet të ketë ndodhur pas një konflikti mes dy personave për një vend parkimi.

Forca të shumta policie ndodhen në vendngjarje dhe po punojnë për identifikimin dhe kapjen e autorëve, si dhe për zbardhjen e plotë të rrethanave të incidentit.

Sipas informacioneve zyrtare, shtetasi U. D. dyshohet se ka qëlluar me armë zjarri në ajër gjatë një sherri me shtetasin A. A..

“Rreth orës 20:50, në lagjen nr. 5, shtetasi U. D. dyshohet se gjatë një konflikti për motive të dobëta me shtetasin A. A., ka qëlluar me armë zjarri.

Nga të shtënat nuk ka persona të lënduar. Vijon puna për kapjen e autorit të dyshuar, shtetasit U. D.”, njofton policia.

Është ngritur grupi hetimor dhe, nën drejtimin e Prokurorisë Kukës, po vijon puna për zbardhjen dhe dokumentimin e plotë ligjor të këtij rasti.

Shkodër/ 35-vjeçarit i digjen dy makina luksoze në oborrin e shtëpisë

Dy makina janë djegur në orët e para të mëngjesit në oborrin e një banese në zonën e Shkodrës.

Ngjarja ka ndodhur në fshatin Prekal, teksa mjetet e djegura një Mercedes Benz dhe një Range Rover në pronësi të Eduard Ndout, ishin të parkuara në banesën e tij.

Grupi hetimor po punon për sqarimin e plotë të rrethanave dhe të shkakut të rënies së zjarrit.