Shembet ura e Bahçallëkut në Shkodër

1 vit, 4 muaj më parë - 21 Nëntor 2022, opinion
Shembet ura e Bahçallëkut në Shkodër
Është shembur ura e vjetër e Bahçallëkut në hyrje të qytetit të Shkodrës si pasojë e reshjeve të dendura të shiut që kanë përfshirë territorin e vendit ditën e sotme.

Sipas “Klan News”, mbeturinat e saj po përplasen me urën e rë të Bahçallëkut, gjë që i ka detyruar autoritetet të ndalojnë qarkullimin mbi urën e re për arsye siguri.

Ndërkohë, reshjet e shiut kanë sjellë përmbytje të tokave, banesave,si dhe ndërprerje të energjisë.

Sakaq, dalja nga shtrati e përrenjve ka lënë nën ujë rreth 400 hektarë tokë në Njësinë Administrative Ana e Malit. Si pasojë e përmbytjeve dy familje në Shkodër dhe tre në Malësinë e madhe janë evakuuar, ndërsa disa banesa të tjera rrezikojnë të përmbyten.

Aksident në pistën e garave me makina, humb jetën 40-vjeçari në Shijak

Një 40-vjeçar ka humbur jetën mbrëmjen e sotme në një pistë garash me makina në Durrës, si pasojë e një aksidenti.

Policia bën me dije se ngjarja ka ndodhur tek pista “Arena Kartin Albania 3” në fshatin Pjesës, Shijak, ku gjatë garave me makinë janë përplasur dy automjete.

Si pasojë e përplasjes humbi jetën njëri prej drejtuesve i identifikuar si A. M, banues në Fier.

Sakaq, grupi hetimor ndodhet në vendngjarje dhe po punon për sqarimin e rrethanave të aksidentit.

Dy makina përplasen “kokë më kokë” në Milot, raportohet për të lënduar

Një aksident automobilistik është regjistruar mbrëmjen e sotme në Milot.

Sipas “TV Klan” dy automjete janë përplasur kokë më kokë me njëra-tjetrën, dhe për pasojë kanë mbetur të plagosur tre persona.

Mësohet se të lënduarit ndodhen jashtë rrezikut për jetën, ndërsa në vendin e ngjarjes ka shkuar policia e cila ka nisur hetimet për zbardhjen e rrethanave të aksidentit.

Support Ukraine